މިއަދުގެ ބައްދަލުވުމުގައި ފުރަތަމަ އެޖެންޑާކުރެވިފައިވަނީ އީކޯ ޔުނިކް ޕްރޮޑަކްޓްސް ޕވޓ.ލޓޑ އިން ކޮމިޓީއާ ބައްދަލު ކުރެއްވުމަށް އެދިވަޑައިގެންފައިވާތީ، އެ ކުންފުނީގެ ބޭފުޅުންނާ ބައްދަލުކުރެއްވުމެވެ. އެއަށްފަހު، އީކޯ ޔުނިކް ޕްރޮޑަކްޓްސް ޕވޓ.ލޓޑ އިން ކޮމިޓީއަށް ދެއްވެވި މަޢުލޫމާތާ ގުޅިގެން އިތުރަށް މި މައްސަލަ ދިރާސާކުރެއްވުން މުހިންމުކަމަށް ކޮމިޓީގެ މެންބަރުން އިއްތިފާޤުވެލެއްވެވިއެވެ. އަދި މިނިސްޓްރީ އޮފް އެންވަޔަރަންމަންޓާއި، އެންވަޔަރަންމަންޓަލް ޕްރޮޓެކްޝަން އޭޖެންސީ، މޯލްޑިވްސް ކަސްޓަމްސް ސަރވިސް އަދި މިނިސްޓްރީ އޮފް އިކޮނޮމިކް ގެ ކަމާގުޅޭ ބޭފުޅުންނާ ބައްދަލުކުރެއްވުމަށް ކޮމިޓީގެ މެންބަރުން ނިންމެވިއެވެ.