މިއަދުގެ ބައްދަލުވުމުގައި ފުރަތަމަ ކުރިއަށްގެންދިއައީ ކޮމިޓީއަށް ހުށަހެޅިފައިވާ މޫސުމައް އަންނަ ބަދަލުތަކާބެހޭ ބިލު ދިރާސާކޮށް ނިންމުމުގެ ސުންގަނޑި ކަނޑައެޅުމެވެ. މިގޮތުން މިބިލު 15 އޭޕްރީލް 2020 ވަނަ ދުވަހުގެ ކުރިން ކޮމިޓީން ދިރާސާކޮށް ނިންމުމަށް ފާސްކުރިއެވެ. ދެވަނަ ކަމަކަށް ކުރިއަށް ގެންގޮސްފައިވަނީ މޫސުމައް އަންނަ ބަދަލުތަކާބެހޭ ބިލު ދިރާސާ ކުރުމުގެ މަސައްކަތް ކުރިއަށް ގެންދާނެ ގޮތަކާއިމެދު މަޝްވަރާ ކުރުމެވެ. އެގޮތުން އޮންލައިންކޮށް ޢަންމުންގެ ޚިޔާލު ހުށަހެޅުމުގެ ފުރސަތު 7 ދުވަހުގެ މުއްދަށް ހުޅުވާލުމަށާއި 5 އޭޕްރީލް 2020 ވަނަ ދުވަހުގެ ކުރިން ކޮމެންޓު ހުށަހެޅުމަށް ކަމާގުޅޭ އިދާރާތަކަށް ފޮނުވުމަށް ނިންމާފައިވެއެވެ. މިގޮތުން މިނިސްޓްރީ އޮފް އެންވަޔަރަންމަންޓްއަށާއި، އެންވަޔަރަންމަންޓް ޕްރޮޓެކްޝަން އޮތޯރިޓީއަށާއި، މޯލްޑިވްސް މީޓިއޮރޮލޮޖީ ސެންޓަރއަށާއި، މިނިސްޓްރީ އޮފް ނެޝަނަލް ޕްލޭނިންގެ އެންޑް އިންސްފްރަކްޝަރއަށާއި، ހިއުމަން ރައިޓްސް ކޮމިޝަނަށާއި، ލޯކަލް ގަވަރމަންޓް އޮތޯރިޓީ، މިނިސްޓްރީ އޮފް ޓުއަރިޒަމްއަށާއި، މިނިސްޓްރީ އޮފް ފިޝަރީޒް، މެރީން ރިސޯރސަސް އެންޑް އެގްރިކަލްޗަރއަށާއި، މިނިސްޓްރީ އޮފް ހެލްތާއި، ޑިޒާސްޓަރ މެނޭޖްމެންޓް ސެންޓަރަށާއި، ޓްރާންސް ޕޭރަންސީ މޯލްޑިވްސްއަށާއި، މިނިސްޓްރީ އޮފް ފިނޭންސްއަށާއި، ހެލްތް ޕްރޮޓެކްޝަން އޮތޯރިޓީއަށާއި ސޭވް ދަ ބީޗްއަށާއި، ކޮރަލް އިންސްޓިޓިއުޓަށާއި، ރިނިއުބަލް އެނާރޖީ މޯލްޑިވްސްއަށާއި، އަވި ޓެކްނޮލޮޖީއަށާއި، ފެނަކަ ކޯރޕަރޭޝަން، އެމް.ޑަބްލިއު.އެސް.ސީއަށާއި، ސްޓެލްކޯ އަދި އިކޯކެއަރ އަށް، ކޮމެންޓް ހުށަހެޅުމަށް އެދި ފޮނުވުމަށް ނިންމާފައިވެއެވެ.