މިއަދުގެ ބައްދަލުވުމުގައި އެޖެންޑާ ކުރެވިފައިވަނީ މިހާރު ރާއްޖެއަށް ކުރަމުންދާ ވިއްސާރައާ ގުޅިގެން ލިބެމުންދާ ގެއްލުންތަކާއި ގުޅޭގޮތުން މަޝްވަރާ ކުރުމަށް މިނިސްޓަރ އޮފް އެންވައިރަންމަންޓް އެންޑް އެނަރޖީ ޑރ. ހުސައިން ރަޝީދު ހަސަން އާއި މޯލްޑިވްސް ޑިޒާސްޓަރ މޭނޭޖްމަންޓް ސެންޓަރާއި، މޯލްޑިވްސް މީޓަރަލޮޖިކަލް ސާރވިސަސް ގެ އިސް ބޭފުޅުންނާއި މާލޭ ސިޓީ މޭޔަރ ޝިފާ މުޙައްމަދާއި ބައްދަލުކުރުމެވެ. މިއަދުގެ ބައްދަލުވުމުގައި، މިމައްސަލައާއި ގުޅޭގޮތުން އިތުރު މަޢުލޫމާތު ހޯދެއްވުމަށް މިނިސްޓަރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އާއި މިނިސްޓަރީ އޮފް ނޭޝަނަލް ޕްލޭނިންގ އެންޑް އިންފްރސްޓްރަކްޗަރގެ ބޭފުޅުންނާއި ބައްދަލުކުރުމަށް ކޮމިޓީން ވަނީ ނިންމަވާފައެވެ.