މިއަދުގެ ބައްދަލުވުމުގައި އެޖެންޑާ ކުރެވިފައިވަނީ ކޮމިޓީއަށް މިހާރު ހުށަހެޅިފައިވާ ދިވެހިރާއްޖޭގެ މޫސުމަށް އަންނަ ބަދަލުތަކާ ބެހޭ ބިލް ދިރާސާ ކުރުމެވެ. އެގޮތުން މިއަދުގެ ބައްދަލުވުމުގައި މިބިލުގެ ފުރަތަމަ ބާބު ދިރާސާކޮށް ކޮމިޓީން ފާސްކޮށްފައިވެއެވެ. ދެވަނަ ކަމަކަށް ކޮމިޓީން މަޝްވަރާކޮށްފައިވަނީ މިހާރު ކޮމިޓީއަށް ހުށަހެޅިފައިވާ "ދިވެހިރާއްޖޭގެ ހަކަތައިގެ ބިލް' ގެ ސުންގަޑި ކަނޑައެޅުމާއި ގުޅޭ ގޮތުންނެވެ. މިގޮތުން މި ބިލުގެ ސުންގަޑިއަކީ 31 އޮގަސްޓް 2020 ކަމުގައި ކަނޑައަޅުއްވާފައިވެއެވެ. އަދި މިބިލާއި ގުޅެގޮތުން ތަޅުމުގައި މެމްބަރުން ހުށަހަޅުއްވާފައިވާ ހުށަހެޅުންތައް ބިލުގައި ހިމެނުމުގެ މަސައްކަތް ކުރުމަށް 3 މެމްބަރުންގެ ކޮމިޓީއެއް އެކުލަވާލާފައިވެއެވެ.