މިއަދުގެ ބައްދަލުވުމުގައި އެޖެންޑާ ކުރެވިފައިވަނީ ފެނާއި ނަރުދަމާގެ ބިލުގެ ކޮމިޓީ ރިޕޯޓް ފާސްކުރުމުގެ މަސައްކަތެވެ. މިގޮތުން މި ރިޕޯރޓް ކޮމިޓީއަށް ވަޑައިގެން ވޯޓުގައި ބައިވެރިވި މެންބަރުންގެ ޢިއްތިފާޤުން ކޮމިޓީން ވަނީ ފާސްކޮށްފައެވެ. އެއަށްފަހު ޔުޓިލިޓީ ރެގިއުލޭޓަރީ އޮތޯރިޓީގެ ބިލާގުޅޭގޮތުން ޚިޔާލުހޯދުމަށް ކަމާގުޅޭ މުއައްސަސާތަކަށް ސިޓީފޮނުވުމަށް ނިންމެވިއެވެ. މިގޮތުން ރައީސުލްޖުމްހޫރިއްޔާގެ އޮފީސް، އެޓަރނީ ޖެނެރަލްގެ އޮފީސް، މިނިސްޓްރީ އޮފް ފިނޭންސް، މިނިސްޓްރީ އޮފް ޕްލޭނިންގ، ހައިސިންގ އެންޑް އިންފްރާސްޓްރަކްޗަރ، މިނިސްޓްރީ އޮފް އެންވަޔަރަމަންޓް ސްޓެލްކޯ، ފެނަކަ ކޯޕަރޭޝަން، އެމް.ޑަބްލިއު.އެސް.ސީ، އެލް.ޖީ.އޭ، އެނަރޖީ އޮތޯރިޓީ، އީ.ޕީ.އޭ، އެޗް.ޕީ.އޭ، ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ، ޓްރާންސްޕޭރަންސީ މޯލްޑިވްސް އަދި ރެޑް ކްރެސެންޓްއިން ބިލާގުޅޭގޮތުން ޚިޔާލު ލިޔުމުން ހޯދުމަށް ކޮމިޓީން ނިންމެވިއެވެ. އަދި ފަހުގެ ތާރީޚެއްގައި މި ފަރާތްތަކާ ބައްދަލުކުރުމަށްވެސް ނިންމެވިއެވެ.