މި ބައްދަލުވުމުގައި ކޮމިޓީން ކުރިއަށްގެންދެވީ ޖަމްޢިއްޔާތަކުގެ ބިލު ދިރާސާކުރެއްވުމުގެ މަސައްކަތެވެ. އެގޮތުން، ބިލަށް ޚިޔާލު ފޮނުވުމަށް އެދި ކޮމިޓީން ބިލު ފޮނުވި އެއްވެސް ފަރާތަކުން ބިލަށް ޚިޔާލެއް ފޮނުވާފައިނުވާތީ، ކަމާގުޅުންހުރި އިތުރު ފަރާތްތަކަށް ބިލު ފޮނުވައި ޚިޔާލު ހޯދުމަށް ކޮމިޓީން ނިންމެވިއެވެ. އަދި އަތޮޅުތަކުގައި ޙަރަކާތްތެރިވާ ޖަމްޢިއްޔާތަކާ ބައްދަލުކުރައްވައި އެ ފަރާތްތަކާއެކު ބިލާ ގުޅޭގޮތުން މަޝްވަރާކުރެއްވުމަށް ވެސް ކޮމިޓީން ނިންމެވިއެވެ.