މިއަދުގެ ބައްދަލުވުމުގައި މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އިން ޢަމަލުކުރަމުންދާ ގަވާއިދުތަކުގެ ދަށުން ކުރާ ޖޫރިމަނާތަކާ ގުޅޭގޮތުން މަޢުލޫމާތު ސާފުކުރުމަށް އެ މިނިސްޓްރީގެ ބޭފުޅުންނާ ބައްދަލުކުރެއްވިއެވެ. މިގޮތުން ޓްރާންސްޕޯޓް އޮތޯރިޓީ އަދި ސިވިލް އޭވިއޭޝަން އޮތޯރިޓީން ކުރަމުންދާ ޖޫރިމަނާތަކާ ގުޅޭގޮތުން މެންބަރުންގެ ހުރި ކަންބޮޑުވުންތައް ފާޅުކުރެއްވިއެވެ. އަދި ޤާނޫނު ނަންބަރު 2009/5 (އެއްގަމު ދަތުރުފަތުރުގެ ޤާނޫނު) ގެ ދަށުން ނެގޭ ޖޫރިމަނާތަކުގެ ޢަދަދުތައް އިސްލާޙުކުރެއްވުމަށް އެ މިނިސްޓްރީން މަޖިލީހަށް ހުށަހަޅާފައިވާކަމަށާއި އެ އިސްލާޙު ވަނީ ކޮމިޓީ މަރުޙަލާގައިކަމަށް މެންބަރުންނަށް މަޢުލޫމާތު ދެއްވިއެވެ.