މި އަދުގެ ބައްދަލުވުމުގައި ކުރިއަށްގެންދެވީ، ތަޢުލީމުގެ ބިލު ދިރާސާކުރެއްވުމުގެ މަސައްކަތެވެ. އެގޮތުން ބިލުގެ 20 ވަނަ މާއްދާއިން ފެށިގެން 27 ވަނަ މާއްދާގެ (ނ)ގެ ނިޔަލަށް ކޮމިޓީން ގެންނެވި އިސްލާޙްތަކާއެކު ފާސްކުރެއްވިއެވެ. 20 ވަނަ މާއްދާއަށް 2 ހުށަހެޅުމެއް ހުށަހެޅުނެވެ. އެ ގޮތުން ފުރަތަމަ، އެ މާއްދާ އިސްލާޙުކުރުމަށް ގެމަނަފުށި ދާއިރާގެ މެންބަރު އަޙްމަދު ސަޢީދު ހުށަހަޅުއްވަވައި، ދިއްގަރު ދާއިރާގެ މެންބަރު އިކްރާމް ޙަސަން ތާއީދުކުރެއްވިއެވެ. އަދި ދެވަނައަށް، އެ މާއްދާ މިހާރު ބިލުގައި އޮތްގޮތައް ބޭއްވުމަށް ހޮޅުދޫ ދާއިރާގެ މެންބަރު ޔޫނުސް ޢަލީ ހުށަހަޅުއްވައި ތުލުސްދޫ ދާއިރާގެ މެންބަރު އިބްރާހީމް ނަސީމް ތާއީދުކުރެއްވިއެވެ. 4 މެންބަރުންގެ ވޯޓުން ފާސްކުރެއްވީ ދެވަނަ ހުށަހެޅުއްވުމެވެ.