މި ބައްދަލުވުމުގައި އެންމެ ފުރަތަމަ ކުރިއަށްގެންދެވީ، ތަޢުލީމުގެ ބިލު ދިރާސާކުރެއްވުމުގެ މަސައްކަތެވެ. އެގޮތުން ބިލުގެ 32 ވަނަ މާއްދާއިން ފެށިގެން 36 ވަނަ މާއްދާގެ (ހ) ގެ ނިޔަލަށް، ކޮމިޓީން ގެންނެވި އިސްލާޙްތަކާއެކު ފާސްކުރެއްވިއެވެ. ދެން މިއަދުގެ ބައްދަލުވުމުގައި ކުރިއަށްގެންދެވީ، "ދިވެހިރާއްޖޭގެ ތަފާސްހިސާބުގެ ބިލު" ގެ ސުންގަޑި ކަނޑައެޅުއްވުމުގެ މަސައްކަތެވެ. އެގޮތުން، ދިއްގަރު ދާއިރާގެ މެންބަރު އިކްރާމް ޙަސަން ހުށަހަޅުއްވައި، ހޮޅުދޫ ދާއިރާގެ މެންބަރު ޔޫނުސް ޢަލީ ތާއީދުކުރެއްވީ ބިލުގެ ސުންގަޑީގެ ގޮތުގައި 30 ނޮވެންބަރު 2020 އެވެ. މި ހުށަހެޅުމަށް ކޮމިޓީގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވިއެވެ. އެއަށްފަހު، އެ ބިލު ޢާއްމުންގެ ކޮމެންޓަށް މިއަދުންފެށިގެން 1 ހަފްތާގެ މުއްދަތަށް ހުޅުވާލެއްވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA