މިއަދުގެ ބައްދަލުވުމުގައި އެޖެންޑާ ކުރެވިފައިވަނީ ސިވިލް ސަރވިސް ކޮމިޝަންގެ މެންބަރު އަލްފާޟިލާ ފާޠިމަތު އާމިރާ އެ ކޮމިޝަންގެ މެންބަރުކަމުން ވަކިކުރުމުގެ މައްސަލަ ދިރާސާކުރުމެވެ. އަލްފާޟިލާ ފާޠިމަތު އާމިރާއަށް ޖަވާބުދާރީވުމަށް މަޖިލީހުގެ ގަވާއިދުގައިވާ ގޮތުގެ މަތިން 5 ދުވަހުގެ މުހުލަތެއް ދިނުމަށް އަދި އެ 5 ދުވަސްތެރޭގައި ލިޔުމުން ޖަވާބު ފޮނުވައި ދިނުމަށް ދެންނެވުމަށެވެ. މި ހުށަހެޅުމަށް ކޮމިޓީގެ އެއްވެސް މެންބަރަކު އިއުތިރާޒުކޮށްފައި ނުވާތީ މިގޮތަށް ކޮމިޓީން ނިންމެވިއެވެ. އެހެންކަމުން ޖަވާބު ފޮނުވުމުގެ ފަހުގެ ތާރީޚަކީ 21 ޖޫން 2020 އެވެ.