މާފަންނު މެދު ދާއިރާގެ މެންބަރު އިބްރާހީމް ރަޝީދު ހުށަހަޅުއްވާފައިވާ "ރަށުގެ އުފެއްދުންތަކާއި ވިޔަފާރިތައް ރަށުބަންދުން މިނިވަންކޮށް ޒަމާނީ ތަރައްޤީ ގެނުވައިދިނުމަށް ގޮވާލާ ޤަރާރު" އިޤްތިޞާދީ ކޮމިޓީން ދިރާސާކޮށް ނިންމި ގޮތުގެ ރިޕޯޓަށް ރައްޔިތުންގެ މަޖިލީހުން ފާސްކުރެއްވި އިޞްލާޙްގައިވާގޮތުގެމަތިން، މޯލްޑިވްސް ޕޭމަންޓް ގޭޓްވޭ ޚިދުމަތާބެހޭ މަޢުލޫމާތާއި އެ މަޝްރޫޢުގެ ޓައިމްލައިން މޯލްޑިވްސް މަނިޓަރީ އޮތޯރިޓީއިން ފޮނުއްވާފައިވާތީ، އެ ސިޓީ މެންބަރުންނާ ހިއްސާކުރެއްވިއެވެ. އަދި މުދާ ގަންނަ ފަރާތްތަކާއި ޚިދުމަތް ލިބިގަންނަ ފަރާތްތައް ޚިމާޔަތްކުރުމުގެ ބިލު ދިރާސާކުރައްވައި ބިލުގެ ކޮމިޓީ މަސައްކަތް ނިންމެވިއެވެ.