ޚުލާސާ
މިއަދުގެ ކޮމިޓީ ބައްދަލުވުމުގައި ސްޕޯޓްސް ކޯޕަރޭޝަންއަށް ދިމާވެފައިވާ މައްސަލަތަކާ ގުޅޭގޮތުން މެންބަރުން މަޝްވަރާކުރެއްވިއެވެ. މިގޮތުން ޤާނޫނު ނަންބަރު 30/2015 (ދިވެހިރާއްޖޭގެ ކުޅިވަރު ޤާނޫނުގެ) ގެ ދަށުން އުފައްދަވާފައިވާ މޯލްޑިވްސް ސްޕޯޓްސް ކޯޕަރޭޝަނަށް، އެ ޤާނޫނުގައި ބަޔާންކުރާ މަޤްޞަދުތައް ޙާޞިލްކުރުމަށް ކުރެއްވިދާނެ ކަންތައްތަކާ ގުޅޭގޮތުން މަޢުލޫމާތު ސާފުކުރެއްވުމަށް ކޮމިޓީއިން މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގެ ބޭފުޅުންނާއެކު ބޭއްވި ބައްދަލުވުމުގައި އެ ކުންފުނި އުވާލުމުގެ ސިޔާސަތެއް ސަރުކާރުން ގެންގުޅުއްވާކަމަށް އެ މިނިސްޓްރީން މަޢުލޫމާތު ދެއްވާފައިވާތީ، އެ ކުންފުންޏާ ގުޅޭގޮތުން ސަރުކާރުން މިހާރު ކަނޑައަޅުއްވާފައިވާ ސިޔާސަތު ރައީސުލްޖުމްހޫރިއްޔާގެ އޮފީހުން ސާފުކުރެއްވުމަށް ނިންމެވިއެވެ.
އެއަށްފަހު ވެލާނާ އިންޓަރނޭޝަނަލް އެއަރޕޯޓްގައި ހުންނަ "ދޮވެމި" ފިހާރައަކީ އެމް.އޭ.ސީ.އެލް އިން ހިންގާ ފިހާރައެއްތޯއާއި، އެ ފިހާރައިން އޮންލައިންކޮށް މުދާ ވިއްކާތޯއާއި އަދި މާލެއަށް މިހާރު މުދާ ޑެލިވަރީކޮށްދޭތޯ ބެއްލެވުމަށް ފޭދޫ ދާއިރާގެ މެންބަރު މުޙައްމަދު ނިހާދު ހުށަހެޅުއްވުމުން، އެކަމުގެ މަޢުލޫމާތު ސާފުކުރައްވަން އެ ކުންފުންޏަށް ސިޓީ ފޮނުއްވުމަށް ނިންމެވިއެވެ.
ބައްދަލުވުމުގައި ކުރެވުނު މަސައްކަތްތައް
9 ޖުލައި 2020
މޯލްޑިވްސް އެއަރޕޯޓް ކޮމްޕަނީ ޢިން ހިންގައި ދޮވެމި އެރައިވަލް ފިހާރައިން އޮންލައިންކޮށް މުދާ ވިއްކާ ކަމުގެ މަޢުލޫމާތުގެ މައްޗަށް ހުށަހެޅުނު މައްސަލަ
ކޮމެޓީ މަސައްކަތް ނިމިފައި
29 ޖޫން 2020
ސްޕޯޓްސް ކޯޕަރޭޝަން އާއި ގުޅޭ ގޮތުން ހުރި މައްސަލަ
ކޮމެޓީ މަސައްކަތް ނިމިފައި
ގުޅޭ ލިޔުންތައް
ބައްދަލުވުމުގެ އެޖެންޑާ
ބޭނުންވެލައްވާ މަޖިލިސް ޚިޔާރުކުރައްވާ