ޚުލާސާ

މިއަދުގެ ބައްދަލުވުމުގައި އަމިއްލަ ފަރާތްތަކުން ފޮނުވާ ސިޓިތައް ބެލުމަށް 4 މެންބަރުންގެ ސަބް-ކޮމިޓީއެއް ނެގުމަށް ކިނބިދޫ ދާއިރާގެ މެންބަރު މުޙައްމަދު ނާޝިޒު ހުށަހަޅުއްވައި ފުވައްމުލަކު މެދު ދާއިރާގެ މެންބަރު ޙުސައިން މުޙައްމަދުދީދީ ތާޢީދުކުރެއްވުމުން، ކޮމިޓީގައި ތިއްބަވާނެ 4 މެންބަރުން ކަމުގައި 1. އިސްދޫ ދާއިރާގެ މެންބަރު ޢަލީ ޙަމީދު، 2. ތުލުސްދޫ ދާއިރާގެ މެންބަރު އިބްރާހީމް ނަސީމް، 3. ނައިފަރު ދާއިރާގެ މެންބަރު އަޙްމަދު ޝިޔާމް އަދި 4. ފޭދޫ ދާއިރާގެ މެންބަރު މުޙައްމަދު ނިހާދު ހަމަޖެއްސުމަށް ކިނބިދޫ ދާއިރާގެ މެންބަރު މުޙައްމަދު ނާޝިޒު ހުށަހަޅުއްވައި މާފަންނު މެދު ދާއިރާގެ މެންބަރު އިބްރާހީމް ރަޝީދު ތާޢީދުކުރެއްވައި ފާސްކުރެއްވިއެވެ. މޯލްޑިވްސް އެއަރޕޯޓް ކޮމްޕެނީ އިން ވެލާނާ އިންޓަރނޭޝަނަލް އެއަރޕޯޓްގައި ހިންގައި "ދޮވެމި އެރައިވަލް ޝޮޕް"އަކީ ދިވެހިރާއްޖެ ޒިޔާރަތްކުރާ ފަތުރުވެރިންއަށް ޙާއްސަކުރެވިގެން ހިންގޭ ފިހާރައަކަށް ވީހިނދު، މި މަޤްސަދު ގެއްލޭނެހެން އޮންލައިންކޮށް މާލެ އަދި އަތޮޅުތަކަށް ވިޔަފާރިކޮށް ނުދެވޭނެކަމަށް އެކުންފުންޏަށް އެންގުމަށް ނިންމިއެވެ.

ބައްދަލުވުމުގައި ކުރެވުނު މަސައްކަތްތައް

9 ޖުލައި 2020 - މޯލްޑިވްސް އެއަރޕޯޓް ކޮމްޕަނީ ޢިން ހިންގައި ދޮވެމި އެރައިވަލް ފިހާރައިން އޮންލައިންކޮށް މުދާ ވިއްކާ ކަމުގެ މަޢުލޫމާތުގެ މައްޗަށް ހުށަހެޅުނު މައްސަލަ