މިއަދުގެ ބައްދަލުވުމުގައި ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) އަށް އިސްލާޙުގެނައުމުގެ ބިލަށް އެކި ފަރާތްތަކުން ހުށަހަޅުއްވާފައިވާ ޚިޔާލުތަކާ މެދު މެންބަރުން މަޝްވަރާކުރައްވާ ބިލުގެ މާއްދާތައް އިސްލާޙުކުރެއްވިއެވެ. މިގޮތުން ސަރުކާރާއި، އެމް.ޑީ.ޕީ ގެ ޕާލަމެންޓަރީ ގްރޫޕާއި، އޮޑިޓަރ ޖެނެރަލްގެ އޮފީސް، އެޗް،އާރު،ސީ.އެމް، ހޯޕް ފޮރ ވިމެން، ޓްރާންސްޕޭރެންސީ މޯލްޑިވްސް، އެންވަޔަރަންމަންޓް ޕްރޮޓެކްޝަން އޭޖެންސީ އަދި އިލެކްޝަންސް ކޮމިޝަންގެ ކޮމެންޓްތަކަށް ރިޢާޔަތްކުރެއްވުމަށްފަހު، ކޮމިޓީން ބިލަށް ގެންނަވާފައިވާ އިސްލާޙުތަކާ އެކު ބިލު ފާސްކުރެއްވުމަށް ވޯޓަށް އެއްސެވުމުން ކޮމިޓީގައި ހާޒިރުވެވަޑައިގެންނެވި ތިއްބެވި މެންބަރުންގެ އިއްތިފާޤުން ބިލު ފާސްކުރެއްވުމަށް ނިންމެވިއެވެ.