މިއަދުގެ ބައްދަލުވުމުގައި ލާމަރުކަޒީ އުސޫލުން ހިންގުމަށް އުޞޫލަކުން ކަނޑައަޅާފައިވާ ކަމެއްކަމުގައިވާ ރެޒިޑެންޝަލް ލާރނިންގ ސެންޓަރތައް އޮޕަރޭޓަރަކު މެދުވެރިކޮށް ހިންގުން އެ އުޞޫލުން ހިނގަމުންނުދާތީ، އަމިއްލަ ފަރާތަކުން (ޢަލީ ސަޢީދު/ މ. ދެކުނުއާގެ) ހުށަހަޅުއްވާފައިވާ ސިޓީއާ ގުޅޭގޮތުން މެންބަރުން މަޝްވަރާކުރެއްވިއެވެ. މިގޮތުން ލާމަރުކަޒީ ކޮމިޓީގެ މުޤައްރިރާ ބައްދަލުކުރެއްވުމަށް އެބޭފުޅާ އެދިވަޑައިގެންފައިވާތީ، އެ ބައްދަލުވުމަށްފަހު، ރެޒިޑެންޝަލް ސެންޓަރތަކާ ގުޅޭގޮތުން ހުރިހާ މަޢުލޫމާތެއް (އުޞޫލު، ކޮންޓްރެކްޓްސް، ގަވާއިދުތައް) ހޯއްދެވުމަށް އެޑިއުކޭޝަން މިނިސްޓްރީއަށް ސިޓީ ފޮނުއްވަން ނިންމެވިއެވެ. އެއަށްފަހު ސަބް ކޮމިޓީތަކުން ކޮށްފައިވާ މަސައްކަތްތައް ކޮމިޓީ މެންބަރުންނާ ޙިއްޞާކުރައްވާ ކޮމިޓީ ނިންމަވާލެއްވިއެވެ.