މިއަދުގެ ބައްދަލުވުމުގައި އެންމެ ފުރަތަމަ ގޮސްފައިވަނީ، ވ. ފުލިދޫ އާދަޔާ ޚިލާފަށް ގިރަމުންދާތީ މިކަމުގެ ސަބަބުން ފުލިދޫ ތިމާވެއްޓަށް ދިމާވެފައިވާ ނާޒުކު ޙާލަތުގެ ސަބަބުން ރައްޔިތުންނަށް ދިމާވެފައިވާ ދަތިތަކާ، ފުލިދޫ ގިރަމުންދާ މައްސަލަ ޙައްލު ކުރުމަށް އަޅަންޖެހޭ ފިޔަވަޅުތައް އެޅުމަށް އިލްތިމާސް ކުރުމަށްޓަކައި ހުށައަޅުއްވާފައިވާ ޤަރާރު ދިރާސާކުރުމެމެވެ. އެގޮތުން މި މައްސަލައަކީ ވަރަށް ސީރިއަސް މައްސަލައެއްގެ ގޮތުގައި ކޮމިޓީއިން ބަލައިގަނެ، މިފަދަ މައްސަލަތައް ހައްލުކުރެއްވުމަށް އަޅުއްވަން ޖެހިވަޑައިގަންނަވާ ފިޔަވަޅުތައް އެޅުއްވުމަށް ކަމާގުޅޭ އިދާރާތަކަށް ހުށަހެޅުމަށް ކޮމިޓީއިން ވަނީ ނިންމަވާފައެވެ.