މި ބައްދަލުވުމުގައި، ކުރިއަށް ގެންދެވީ، ހުޅުމާލެ ދެވަނަ ފިޔަވަހީގައި ތަރައްޤީކުރާ ހިޔާ މަޝްރޫޢުގެ ފްލެޓުތަކަށް ކުރިމަތިލެއްވި ފަރާތްތަކުގެ ތެރެއިން ކުރީ ސަރުކާރުގެ ސިޔާސީ މަޤާމުތަކުގައި ތިއްބެވި ބޭފުޅުންނާއި، ރައްޔިތުންގެ މަޖިލީހުގެ މެންބަރުންނާ ޢާއިލީގޮތުން ގާތް ފަރާތްތަކަށް ނަހަމަ ގޮތުގައި ޕޮއިންޓު ދެއްވައިގެން ފްލެޓު ލިބުނުކަމުގެ ލިޔުން ދެއްވާފައިވާކަމުގެ ޝަކުވާ ކޮމިޓީއަށް ލިބިފައިވާތީ، އެ މައްސަލައާއި މެދު މަޝްވަރާކުރެއްވުމެވެ. މި މައްސަލަ ކޮމިޓީއަށް ހުށަހެޅުއްވީ ހޯރަފުށި ދާއިރާގެ މެންބަރު އަޙްމަދު ސަލީމް، އަދި ތާއީދު ކުރެއްވީ ހޮޅުދޫ ދާއިރާގެ މެންބަރު ޔޫނުސް ޢަލީއެވެ. މަޝްވަރާކުރެއްވުމަށްފަހު ކޮމިޓީން ނިންމެވީ އެކަމާ ގުޅޭ މަޢުލޫމާތު ހޯއްދެވުމަށް "ފްލެޓްތަކުގެ މައްސަލަބަލާ ކޮމިޓީ" އަށް ސިޓީއެއް ފޮނުއްވުމަށްފަހު، އެ މަޢުލޫމާތު ކޮމިޓީއަށް ލިބުމުން، "ފްލެޓްތަކުގެ މައްސަލަބަލާ ކޮމިޓީ" އަދި ކުރީގެ ސަރުކާރުން އެކުލަވާލި "ފްލެޓް ކޮމިޓީގެ" މެންބަރުން އަދި ކުރީގެ ހައުސިންގ މިނިސްޓަރ ޑރ. މުޙައްމަދު މުޢިއްޒު ކޮމިޓީއަށް ހާޒިރުކޮށް މަޢުލޫމާތު ސާފުކުރެއްވުމަށެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA