ތިލަދުންމަތީ އުތުރުބުރީ ހއ.ވަށަފަރު ތުނޑީގައި 50 އަހަރަށް، 300،000 އަކަފޫޓުގެ ބިމެއް ތަރައްޤީކުރުމަށް ޙަވާލުކޮށްފައިވަނީ ކޮރަޕްޝަނަށް މަގުފަހިވާގޮތަށް، އެފަރާތުގެ ޤާބިލްކަމަށް ބެލުމެއް ނެތިކަމަށް ފާހަގަކުރައްވާ 12 ނޮވެމްބަރު 2019 ގައި ފޮނުއްވާފައިވާ ސިޓީއާމެދު މަޝްވަރާކުރެއްވިއެވެ. އެގޮތުން، އެންޓި-ކޮރަޕްޝަން ކޮމިޝަނުން މައްސަލަ ބައްލަވަމުން ގެންދަވާކަމަށް ވިދާޅުވެފައިވާތީ، މައްސަލަ ތަޙްޤީޤްކުރައްވައި ނިންމަވާނެ ތާރިޚެއް އެ ކޮމިޝަނުން ސާފުކުރެއްވުމަށް ނިންމެވިއެވެ. އެއަށްފަހު، އެމް.އެމް.ޕީ.އާރު.ސީ މައްސަލައާމެދު މަޝްވަރާކުރުން ކުރިއަށް ގެންދެވިއެވެ.