މި ބައްދަލުވުމުގައި ފުރަތަމަ ކުރިއަށް ގެންދެވީ، ކޮމިޓީއަށް ފޮނުއްވާފައިވާ ބިލުތަކުގެ ސުންގަނޑި ކަނޑައެޅުމުގެ މަސައްކަތެވެ. އެ ގޮތުން؛ 1. ޤާނޫނު ނަންބަރު 5/2009 (އެއްގަމު ދަތުރުފަތުރުގެ ޤާނޫނު) އަށް އިޞްލާޙު ގެނައުމުގެ ބިލު (ބިލު ނަންބަރު 2020/22) ގެ ސުންގަޑި 29 އޮކްޓޫބަރު 2020 ގެ ނިޔަލަށް؛ 2. ޤާނޫނު ނަންބަރު 2009/5 (އެއްގަމު ދަތުރުފަތުރުގެ ޤާނޫނު) އަށް އިޞްލާޙު ގެނައުމުގެ ބިލު (ބިލު ނަންބަރު 2020/23) ގެ ސުންގަޑި 29 އޮކްޓޫބަރު 2020 ގެ ނިޔަލަށް އަދި 3. ތަޢުލީމުގެ ބިލު ކޮމިޓީން ނިންމިގޮތުގެ ރިޕޯޓު އަނބުރާ ކޮމިޓީއަށް ފޮނުއްވާފައިވާ މައްސަލައިގެ ސުންގަޑި 14 އޮކްޓޫބަރު 2020 ގެ ނިޔަލަށް. ދެން މި އަދުގެ ބައްދަލުވުމުގައި ކުރިއަށް ގެންދެވީ، ދިވެހިރާއްޖޭގެ މަތީ ތަޢުލީމުގެ ބިލު ދިރާސާކުރެއްވުމުގެ މަސައްކަތެވެ. އެ ގޮތުން ބިލުގެ 1 ވަނަ މާއްދާއިން ފެށިގެން 2 ވަނަ މާއްދާގެ (ރ) ގެ ނިޔަލަށް ބިލު އިސްލާހުކުރެއްވިއެވެ.