މި ބައްދަލުވުމުގައި ކުރިއަށް ގެންދެވީ ދިވެހިރާއްޖޭގެ ތަފާސް ހިސާބުގެ ބިލު ދިރާސާކުރެއްވުމުގެ މަސައްކަތެވެ. އެ ގޮތުން ބިލާ ގުޅޭގޮތުން، ބިލުގެ ދާއިރާގައި ހިމެނޭ ފަރާތްތަކާއި ބައްދަލުކުރެވުމަށް ނިންމެވިއެވެ. މި ގޮތައް ހުށަހެޅުއްވީ ހޮޅުދޫ ދާއިރާގެ މެންބަރު ޔޫނުސް ޢަލީ އަދި ތާއީދު ކުރެއްވީ ދިއްގަރު ދާއިރާގެ މެންބަރު އިކްރާމް ޙަސަންއެވެ. އެ ގޮތުން ކޮމިޓީން ނިންމެވީ މިނިސްޓްރީ އޮފް ފިނޭންސް އަދި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ކަމާގުޅޭ ބޭފުޅުންނާއި ބައްދަލުކުރެވުމަށެވެ. ދެން މިއަދުގެ ބައްދަލުވުމުގައި ކުރިއަށް ގެންދެވީ އެހެނިހެން ކަންތަކުގެ ތެރެއިން ދިއްގަރު ދާއިރާގެ މެންބަރު އިކްރާމް ޙަސަން ހުށަހެޅުއްވި މައްސަލައެކެވެ.
© 2024 ރައްޔިތުންގެ މަޖިލިސްގެ އިދާރާA