މިއަދުގެ ބައްދަލުވުމުގައި، ކުރިއަށް ގެންދެވީ ދިވެހިރާއްޖޭގެ މަތީ ތަޢުލީމުގެ ބިލު ދިރާސާކުރެއްވުމުގެ މަސައްކަތެވެ. އެގޮތުން، ބިލުގެ ހަވަނަ ބާބުކަމުގައިވާ ނޭޝަނަލް ރިސަރޗް ކައުންސިލްގެ ބާބު އުނިކުރުމަށް ކޮމިޓީގެ އަޣުލަބިއްޔަތުން ފާސްކުރެއްވިއެވެ. އަދި، ބިލުގައި ހިމެނޭ ފަންޑާބެހޭ ބައިވެސް އުނިކުރުމަށް ކޮމިޓީގެ އިއްތިފާޤުން ފާސްކުރެއްވިއެވެ. ހަމައެއާއެކު، މި ބިލުގެ ނަން "ދިވެހިރާއްޖޭގެ މަތީ ތަޢުލީމާއި ތަމްރީނުގެ ބިލު" އަށް ބަދަލުކުރަން ކޮމިޓީގެ އިއްތިފާޤުން ފާސްކުރެއްވިއެވެ.