މިއަދުގެ ބައްދަލުވުމުގައި މޯލްޑިވްސް ޓްރާންސްޕޯޓް އޮތޯރިޓީން ގެޒެޓްކުރައްވާފައިވާ "ދިވެހިރާއްޖޭގައި ޝިޕިންގ އޭޖެންސީ ޚިދުމަތް ދިނުމާބެހޭ ގަވާއިދު" އުވާލާފައިވާތީ، އެ މައްސަލައިގައި ޢާންމުންގެ ގިނަ ކަންބޮޑުވުންތަކެއް ހުރުމާއެކު އާ ގަވާއިދެއް އެކުލަވާލެއްވުމަށް ކުރައްވާފައިވާ މަސައްކަތްތަކާއި އާ ގަވާއިދެއް އެކުލަވާލެއްވޭނެ ތާރީޚަކާ ގުޅޭގޮތުން މަޢުލޫމާތު ސާފުކުރެއްވުމަށް މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އަދި މޯލްޑިވްސް ޓްރާންސްޕޯޓް އޮތޯރިޓީގެ ބޭފުޅުންނާ ބައްދަލުކުރެއްވިއެވެ. އިތުރަށް މި މައްސަލައާ ގުޅޭގޮތުން މަޝްވަރާކުރުމަށްފަހު، މެންބަރުން ބޭނުންވާ މައުލޫމާތުތައް އެންމެ ފުރިހަމައަށް ލިބިފައިނުވާތީ، ދެން ބާއްވަވާ ބައްދަލުވުމެއްގައި ޓްރާންސްޕޯޓް މިނިސްޓްރީގެ ބޭފުޅުންނާ ބައްދަލުކުރުމަށް ކޮމިޓީން ނިންމިއެވެ.