މިއަދުގެ ބައްދަލުވުމުގައި ކޮމިޓީގެ މުޤައްރިރުގެ އިތުބާރު ނެތްކަމަށް، ކޮމިޓީގެ 5 މެންބަރުން ސޮއިކުރައްވައި ފޮނުއްވާފައިވާ މައްސަލައާ ގުޅޭގޮތުން މެންބަރުން މަޝްވަރާކުރެއްވިއެވެ. މިގޮތުން ކޮމިޓީގެ މުޤައްރިރުގެ މައްސަލައެއް އޮތްކަމަށް ފާހަގަނުކުރެވޭކަމަށާއި، މުޤައްރިރުގެ އިތުބާރު ނެތްކަމަށް ކަނޑައަޅަންޖެހޭ ސަބަބެއް އޮޅުންފިލުވުމަށް ހިތަދޫ އުތުރު ދާއިރާގެ މެންބަރު މުޙައްމަދު އަސްލަމް ހުށަހެޅުއްވިއެވެ. އެހެންކަމުން ކޮމިޓީގެ ބައެއް މަސައްކަތްތައް ދިގުލައިގެންދާ މައްސަލައާ ކޮމިޓީގެ ބައްދަލުވުންތައް ނުބޭއްވި ގިނަ ދުވަސްތައް ފާއިތުވެފައިވާކަމަށް ބައެއް މެންބަރުން ފާހަގަކުރެއްވިއެވެ. އެއަށްފަހު ކޮމިޓީގެ މުޤައްރިރު ކުޑަހުވަދޫ ދާއިރާގެ އަޙްމަދު އާމިރު، ކޮމިޓީގެ މަސައްކަތް ކުރިއަށް ގެންދަވާފައި ގޮތާއި، ކޮމިޓީގެ އެޖެންޑާގައި ނުނިމި ހުރި މައްސަލަތައް މަދުކަމަށް ވެސް ފާހަގަކުރެއްވިއެވެ. ދެން ކޮމިޓީގެ މުޤައްރިރުގެ އިތުބާރުނެތްކަމަށް ފެންނަކަމަށް ވޯޓަށް އެއްސެވުމުން ކޮމިޓީގައި ހާޒިރުވެވަޑައިގެން ތިއްބެވި މެންބަރުންގެ އަޣުލަބިއްޔަތުން އެ ހުށަހެޅުއްވުން ފާސްނުވާތީ، ކޮމިޓީގެ މުޤައްރިރުގެ އިތުބާރުނެތްކަމަށް ފާސްނުވާކަމަށް ނިންމެވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA