މި ބައްދަލުވުމުގައި ކުރިއަށް ގެންދެވީ ކޮވިޑް-19 ގެ ޕެންޑެމިކްއާ ގުޅިގެން، މިނިސްޓްރީ އޮފް ހެލްތްއިން ޢާންމު ޞިއްޙަތުގެ ކަންތައްތައް ހިންގަމުން ގެންގޮސްފައިވާ ގޮތާއި، މިހާރު ކަންކަން ކުރިއަށް ގެންދާ ގޮތާއި، ކުރިއަށް އޮތް ދުވަސްތަކުގައި ކަންކަން ކުރިއަށް ގެންދިއުމަށް ރާވާފައިވާ ގޮތް ދެނެގަނެ އެކަންކަން ދިރާސާކުރުން ކުރިއަށް ގެންދާނެގޮތަކާމެދު މަޝްވަރާކުރެއްވުމެވެ. އެގޮތުން، ކޮވިޑް-19 އާ ގުޅިގެން އަޅުއްވާފައިވާ ފިޔަވަޅުތަކާއި، ތާރީޚާއި، ސަބަބާއި އަދި އެ ފިޔަވަޅެއް އަޅުއްވާފައިވަނީ ކޮން ސިޔާސަތަކާ ގުޅިގެންކަން އެނގޭނެ ޓައިމްލައިންއަކާއި ކޮވިޑް-19 އާ ގުޅިގެން ކަނޑައަޅުއްވާފައިވާ އުސޫލުތަކާއި ސިޔާސަތުތަކާއި އެ ސިޔާސަތުތައް ކަނޑައެޅުމުގައި ވިސްނަވާފައިވާ ކަންކަމާއި އެ ސިޔާސަތެއް ކަނޑައެޅުމާ ހަމައަށް ވާސިލުވިގޮތުގެ މަޢުލޫމާތު މިނިސްޓްރީ އޮފް ހެލްތާއި ހެލްތް ޕްރޮޓެކްޝަން އެޖެންސީއިން ހޯދުމަށާއި އަދި ހެލްތް ޕްރޮޓެކްޝަން އެޖެންސީއާއި ހެލްތް އެމެޖެންސީ އޮޕަރޭޝަންސް ސެންޓަރުގެ ބޭފުޅުންނާ ބައްދަލުކުރެއްވުމަށް ނިންމެވިއެވެ