މިއަދުގެ ބައްދަލުވުމުގައި، ވެލާނާ އިންޓަރނޭޝަނަލް އެއަރޕޯޓް ތަރައްޤީކޮށް އަޕްޑޭޓްކުރުމަށް އެކްސްޕޯޓް އިމްޕޯޓް ބޭންކް (އެގްޒިމް ޗައިނާ) އާއެކު ސޮއިކޮށްފައިވާ ޕްރިފަރެންޝަލް ބަޔަރސް ކްރެޑިޓް އެގްރީމެންޓްގެ ބައެއް 74,767,699.98 އެމެރިކާ ޑޮލަރު ރީފައިނޭންސް ކުރުމަށް ސޮއިކޮށްފައިވާ ރީފައިނޭންސިންގ އެއްބަސްވުމުގެ މަޢުލޫމާތު މެންބަރުންނާ ޙިއްޞާކުރެއްވުމަށްފަހު، މައްސަލަ ފައިލްކުރުމަށް ނިންމެވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: އެއްބަސްވުމުގެ މަޢުލޫމާތު މެންބަރުންނާ ޙިއްޞާކުރެއްވުމަށްފަހު، މައްސަލަ ފައިލްކުރުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 2

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، މި މައްސަލަ ފައިލް ކުރުމަށް ނިންމެވިއެވެ.

މީގެ އިތުރުން، ފެނަކަ ކޯޕަރޭޝަން ލިމިޓެޑްގެ ޚާއްޞަ އޮޑިޓަށް ބޭނުންވާ މަޢުލޫމާތާއި ލިޔެކިޔުން ހޯދުމުގައި ދިމާވާ ގޮންޖެހުންތަކުގެ ސަބަބުން އެކަށީގެންވާ އަވަސް މިނުގައި އެ އޮޑިޓްގެ މަސައްކަތް ކުރިއަށް ގެންދިއުމުގެ ދަތިތަކެއް ދިމާވެފައިވާކަމަށް ބަޔާންކޮށް އޮޑިޓަރ ޖެނެރަލްގެ އޮފީހުން ފޮނުއްވާފައިވާ މައްސަލައާ ގުޅޭގޮތުން މަޝްވަރާކުރެއްވިއެވެ. އެގޮތުން، އޮޑިޓަރ ޖެނެރަލްގެ އޮފީހުން ބޭނުންފުޅުވާ މަޢުލޫމާތު އެ އޮފީހަށް ފޯރުކޮށްދިނުމުގައި އެ ކުންފުންޏަށް ދިމާވާ ގޮންޖެހުންތަކާއި، އޮޑިޓަށް ބޭނުންވާ މަޢުލޫމާތު އެ އޮފީހުން އެދިވަޑައިގަންނަވާ މުއްދަތުގައި ފޯރުކޮށްނުދެވިވާ ސަބަބު ސާފުކުރެއްވުމަށާއި، އޮޑިޓަރ ޖެނެރަލްގެ އޮފީހުން ކުރިއަށް ގެންދަވާ އެ ކުންފުނީގެ ޚާއްޞަ އޮޑިޓާ ގުޅިގެން އެ އޮފީހުން އެދިވަޑައިގަންނަވާ މަޢުލޫމާތު އެ އެދިވަޑައިގަންނަވާ މުއްދަތުގައި ފޯރުކޮށްދިނުމަށް އިތުރަށް ސަމާލުކަންދެއްވައި، އެ އޮޑިޓަށް ފުރިހަމަ އެއްބާރުލުން ދެއްވުމަށް އެ ކުންފުންޏަށް ދެންނެވުމަށާއި، އަދި މި މައްސަލަ މިނިސްޓްރީ އޮފް ފިނޭންސް، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު އަދި ސްޓޭޓް ޓްރޭޑިންގ އޯގަނައިޒޭޝަން ޕަބްލިކް ލިމިޓެޑް ކޮމްޕެނީގެ ސަމާލުކަމަށް ގެންނެވުމަށް ދިއްގަރު ދާއިރާގެ މެންބަރު އަޙްމަދު ނާޡިމް ހުށަހެޅުއްވިއެވެ. މި ހުށަހެޅުއްވުމަށް ކެލާ ދާއިރާގެ މެންބަރު ޢަބްދުﷲ ޝަރީފް ތާޢީދުކުރެއްވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: އޮޑިޓަށް ބޭނުންވާ މަޢުލޫމާތު އެ އޮފީހުން އެދިވަޑައިގަންނަވާ މުއްދަތުގައި ފޯރުކޮށްނުދެވިވާ ސަބަބު ފެނަކަ ކޯޕަރޭޝަން ލިމިޓެޑުން ސާފުކުރުމަށާއި، އެ އޮފީހުން އެދިވަޑައިގަންނަވާ މަޢުލޫމާތު އެ އެދިވަޑައިގަންނަވާ މުއްދަތުގައި ފޯރުކޮށްދިނުމަށް އިތުރަށް ސަމާލުކަންދެއްވައި، އެ އޮޑިޓަށް ފުރިހަމަ އެއްބާރުލުން ދެއްވުމަށް އެ ކުންފުންޏަށް ދެންނެވުމަށާއި، އަދި މި މައްސަލަ މިނިސްޓްރީ އޮފް ފިނޭންސް، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު އަދި ސްޓޭޓް ޓްރޭޑިންގ އޯގަނައިޒޭޝަން ޕަބްލިކް ލިމިޓެޑް ކޮމްޕެނީގެ ސަމާލުކަމަށް ގެންނެވުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 9

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 9

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، އޮޑިޓަށް ބޭނުންވާ މަޢުލޫމާތު އެ އޮފީހުން އެދިވަޑައިގަންނަވާ މުއްދަތުގައި ފޯރުކޮށްނުދެވިވާ ސަބަބު ފެނަކަ ކޯޕަރޭޝަން ލިމިޓެޑުން ސާފުކުރުމަށާއި، އެ އޮފީހުން އެދިވަޑައިގަންނަވާ މަޢުލޫމާތު އެ އެދިވަޑައިގަންނަވާ މުއްދަތުގައި ފޯރުކޮށްދިނުމަށް އިތުރަށް ސަމާލުކަންދެއްވައި، އެ އޮޑިޓަށް ފުރިހަމަ އެއްބާރުލުން ދެއްވުމަށް އެ ކުންފުންޏަށް ދެންނެވުމަށާއި، އަދި މި މައްސަލަ މިނިސްޓްރީ އޮފް ފިނޭންސް، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު އަދި ސްޓޭޓް ޓްރޭޑިންގ އޯގަނައިޒޭޝަން ޕަބްލިކް ލިމިޓެޑް ކޮމްޕެނީގެ ސަމާލުކަމަށް ގެންނެވުމަށް ނިންމެވިއެވެ.

މީގެއިތުރުން، އެންޓި-ކޮރަޕްޝަން ކޮމިޝަނުން ތައްޔާރުކޮށްފައިވާ ދިވެހިރާއްޖޭގެ ޞިއްޙީ ވެލްފައަރ ނިޒާމުގެ ކޮރަޕްޝަން ރިސްކް އެސެސްމެންޓް ރިޕޯޓް ދިރާސާކުރުމުގެ މަސައްކަތް ކުރިއަށް ގެންދެވިއެވެ. އެގޮތުން، ރިޕޯޓު މެންބަރުންނާ ޙިއްޞާކުރެއްވުމަށްފަހު، ކޮމިޓީން ދިރާސާކުރަމުންދާ ދައުލަތުގެ ސިއްޙީ އިދާރާތަކުން އޯވަރޯލްކޮށް އިދާރާތަކަށް ނުވަތަ ކުންފުނިތަކަށް ދައްކަންޖެހިފައިވާ ފައިސާގެ ޖުމްލަ މައްސަލައިގެ ތެރެއިން މި މައްސަލަ ބަލައި، ކޮމިޓީގެ ހުށަހެޅުންތައް ހިމެނޭހެން ރިޕޯޓު އެކުލަވާލުމަށް ދިއްގަރު ދާއިރާގެ މެންބަރު އަޙްމަދު ނާޡިމް ހުށަހެޅުއްވިއެވެ. މި ހުށަހެޅުއްވުމަށް  ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާ ތާޢީދުކުރެއްވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: ކޮމިޓީން ދިރާސާކުރަމުންދާ ދައުލަތުގެ ސިއްޙީ އިދާރާތަކުން އޯވަރޯލްކޮށް އިދާރާތަކަށް ނުވަތަ ކުންފުނިތަކަށް ދައްކަންޖެހިފައިވާ ފައިސާގެ ޖުމްލަ މައްސަލައިގެ ތެރެއިން މި މައްސަލަ ބަލައި، ކޮމިޓީގެ ހުށަހެޅުންތައް ހިމެނޭހެން ރިޕޯޓު އެކުލަވާލުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، ކޮމިޓީން ދިރާސާކުރަމުންދާ ދައުލަތުގެ ސިއްޙީ އިދާރާތަކުން އޯވަރޯލްކޮށް އިދާރާތަކަށް ނުވަތަ ކުންފުނިތަކަށް ދައްކަންޖެހިފައިވާ ފައިސާގެ ޖުމްލަ މައްސަލައިގެ ތެރެއިން މި މައްސަލަ ބަލައި، ކޮމިޓީގެ ހުށަހެޅުންތައް ހިމެނޭހެން ރިޕޯޓު އެކުލަވާލުމަށް ނިންމެވިއެވެ.

އެއަށްފަހު، ކަޅުބިލަމަހުގެ ސިނާޢަތު ތަރައްޤީކުރުމުގެ މަޝްރޫޢުގެ ދަށުން މިނިސްޓްރީ އޮފް ފިޝަރީޒްއާއި ހޮރައިޒަން ފިޝަރީޒްއާ ދެމެދު 8 ޑިސެންބަރު 2005 ގައި ސޮއިކޮށްފައިވާ އެއްބަސްވުމެއްގެ ދަށުން ހުވަދުއަތޮޅު ދެކުނުބުރީ ހޯނޑެއްދޫގެ ބޮޑު ބިމެއް ކުއްޔަށް ނަގާފައިވާކަމަށާއި، އެ ބިމުގެ ކުލި ރިވައިޒް ކޮށްދިނުމަށް ކަމާގުޅޭ މިނިސްޓްރީތަކަށް އެކި ފަހަރު މަތިން ދެންނެވިފައިވީނަމަވެސް، އެ މައްސަލައަށް ހައްލެއް ލިބިފައިނުވާކަމަށް ބަޔާންކޮށް ހުވަދުއަތޮޅު ދެކުނުބުރީ ހޯނޑެއްދޫ ކައުންސިލްގެ އިދާރާއިން ފޮނުއްވާފައިވާ މައްސަލައާ ގުޅޭގޮތުން މަޝްވަރާކުރެއްވިއެވެ. (ނޯޓު: މި މައްސަލައަކީ ކޮމިޓީގެ މުޤައްރިރުގެ މަސްލަހަރު ފުށުއަރާ މައްސަލައަކަށްވާތީ، މުޤައްރިރު ތަނާޒުލްވެވަޑައިގަތުމުން ވަގުތީ ގޮތުން ކޮމިޓީގެ ރިޔާސަތު ބެލެހެއްޓެވީ ދިއްގަރު ދާއިރާގެ މެންބަރު އަޙްމަދު ނާޡިމް)

މި މައްސަލަ ކަމާގުޅޭ ކޮމިޓީއަށް ފޮނުވުމަށް ކެލާ ދާއިރާގެ މެންބަރު ޢަބްދުﷲ ޝަރީފް ހުށަހަޅުއްވައި، ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ތާޢީދުކުރައްވައި، އަދި ކޮމިޓީގައި އެވަގުތު ޙާޒިރުވެވަޑައިގެން ތިއްބެވި އެއްވެސް މެންބަރަކު އިޢުތިރާޒު ކުރައްވާފައިނުވާތީ، މި މައްސަލަ ކަމާގުޅޭ ކޮމިޓީއަށް (އިޤްތިޞާދީ ކޮމިޓީ) ފޮނުވުމަށް ނިންމެވިއެވެ.

މީގެއިތުރުން، އަންނަނިވި ދެ މައްސަލަ ފައިލް ކުރުމަށް ނިންމެވިއެވެ.

1.     ގދ. ފަރެސްމާތޮޑާގެ ތަރައްޤީއަށް ހިންގަން ބޭނުންވާ އެކިއެކި މަޝްރޫޢުތަކަށް އިންވެސްޓަރުން ހޯދުމަށް ހުވަދުއަތޮޅު ދެކުނުބުރީ ފަރެސްމާތޮޑާ ކައުންސިލްގެ އިދާރާއިން ސްރީލަންކާއަށް ކުރުމަށް ހަމަޖެހިފައިވާ ދަތުރާ ގުޅޭގޮތުން މަޢުލޫމާތު ސާފުކުރުމަށް 26 އޮގަސްޓު 2024 ގައި ލޯކަލް ގަވަރމަންޓް އޮތޯރިޓީން އެ ކައުންސިލަށް ފޮނުވައި، ރައްޔިތުންގެ މަޖިލީހުގެ އިދާރާއަށް ކޮޕީ ކޮށްފައިވާ ސިޓީ؛ އަދި

2.     ރ. އުނގޫފާރުގެ މަގެއްގައި ހަރުކޮށްފައިހުރި މަގުބައްތިއަކުން ފެނުގެ ތެރެއަށް ކަރަންޓް ލީކުވުމުގެ ސަބަބުން 23 މޭ 2024 ގައި 2 ކުއްޖަކާއި ޒުވާނެއް ކަރަންޓުގައި ޖެހި، ޒުވާނާ ނިޔާވެފައިވާ ޙާދިސާގައި، ޤާނޫނުގައި ބަޔާންކޮށްފައިވާ ޙައްޤުތައް ކަށަވަރުކުރެވި ކުޑަކުދިންނަށް ރައްކާތެރިކަން ފޯރުކޮށްދިނުމުގައި ދައުލަތުގެ ކަމާބެހޭ އިދާރާތަކުގެ އިހުމާލެއްވެފައިވޭތޯ ކަށަވަރުކުރުމަށް ޗިލްޑްރަންސް އޮމްބަޑްޕަރސަންގެ އޮފީހުން ކުރިއަށް ގެންދިޔަ ތަޙްޤީޤްގައި، އެ އޮފީހުން ފާހަގަކުރައްވާފައިވާ ގޮތަށް ފެނަކަ ކޯޕަރޭޝަނުން ކޮށްފައިވާ އިޢުލާނުގައި އިޞްލާޙްކުރުމަށް ކައުންސިލްތަކަށް އަންގާފައިވާ އަދި ޔުޓިލިޓީ ރެގިއުލޭޓަރީ އޮތޯރިޓީގެ ޤާނޫނުން ކުރުން ލާޒިމްކުރާ ކަންކަން އިޞްލާޙްކުރުމަށް ކައުންސިލްތަކަށް ބޭނުންވާ ބަޖެޓް (ކޮންޑިޝަނަލް ގްރާންޓެއް) ހަމަޖައްސަވައިދެއްވުމަށް އެދި 17 ސެޕްޓެންބަރު 2024 ގައި ލޯކަލް ގަވަރމަންޓް އޮތޯރިޓީން މިނިސްޓްރީ އޮފް ފިނޭންސްއަށް ފޮނުވައި، ރައްޔިތުންގެ މަޖިލީހުގެ އިދާރާއަށް ކޮޕީ ކޮށްފައިވާ ސިޓީ.

އެއަށްފަހު، އާސަންދަ ކޮމްޕެނީ ލިމިޓެޑުން ހޮސްޕިޓަލްއެއް އެޅުމަށްޓަކައި ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑްއާ ޙަވާލުކުރުމަށްފަހު އެ ކޮންޓްރެކްޓް ބާތިލްކުރުމާ ގުޅިގެން ބަދަލުގެގޮތުގައި ފައިސާ ދޭންޖެހުނުކަމަށާއި، 2022 ވަނަ އަހަރު ހޮސްޕިޓަލްގެ ބަދަލުގައި އޮފީސް ޢިމާރާތެއް އެޅުމަށް އެ ކުންފުންޏާ ޙަވާލުކުރުމަށްފަހު އެޑްވާންސްގެ ގޮތުގައި ފައިސާ ދައްކާފައިވީނަމަވެސް މަސައްކަތް ކުރިއަށް ނުދާ މައްސަލަ ދިރާސާކުރުމުގެ މަސައްކަތް ކުރިއަށް ގެންދެވިއެވެ. އެގޮތުން، އާސަންދަ ކޮމްޕެނީ ލިމިޓެޑުގެ އޮފީސް ޢިމާރާތް އެޅުމަށްޓަކައި ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑްއާ ޙަވާލުކުރި ޢިމާރާތުގެ މަސައްކަތް މިހާރު ފެށިފައިވޭތޯ އަދި މަސައްކަތް ކުރިއަށް ގެންދިޔުމުގައި ދިމާވާ ގޮންޖެހުންތައް ހިއްސާކޮށްދެއްވުމަށް އާސަންދަ ކޮމްޕެނީ ލިމިޓެޑްއަށް ސިޓީ ފޮނުވުމަށް ކޮމިޓީގެ މުޤައްރިރު ހުށަހެޅުއްވި ހުށަހެޅުމަށް ކޮމިޓީގައި ހާޒިރުވެވަޑައިގެން ތިއްބެވި އެއްވެސް މެންބަރަކު އިޢުތިރާޒުކޮށްފައިނުވާތީ، އެ ގޮތަށް ނިންމެވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: އާސަންދަ ކޮމްޕެނީ ލިމިޓެޑުގެ އޮފީސް ޢިމާރާތް އެޅުމަށްޓަކައި ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑްއާ ޙަވާލުކުރި ޢިމާރާތުގެ މަސައްކަތް މިހާރު ފެށިފައިވޭތޯ އަދި މަސައްކަތް ކުރިއަށް ގެންދިޔުމުގައި ދިމާވާ ގޮންޖެހުންތައް ހިއްސާކޮށްދެއްވުމަށް އާސަންދަ ކޮމްޕެނީ ލިމިޓެޑްއަށް ސިޓީ ފޮނުވުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، އާސަންދަ ކޮމްޕެނީ ލިމިޓެޑުގެ އޮފީސް ޢިމާރާތް އެޅުމަށްޓަކައި ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑްއާ ޙަވާލުކުރި ޢިމާރާތުގެ މަސައްކަތް މިހާރު ފެށިފައިވޭތޯ އަދި މަސައްކަތް ކުރިއަށް ގެންދިޔުމުގައި ދިމާވާ ގޮންޖެހުންތައް ހިއްސާކޮށްދެއްވުމަށް އާސަންދަ ކޮމްޕެނީ ލިމިޓެޑްއަށް ސިޓީ ފޮނުވުމަށް ނިންމެވިއެވެ.

އެހެނިހެން ކަންކަމަށް ކަނޑައެޅިފައިވާ ވަގުތުގައި، ކޮމިޓީގެ މަސައްކަތްތައް ތަރުތީބުކުރެއްވުމުގެ ގޮތުން ކޮމިޓީ ތާވަލެއް ތައްޔާރުކުރެއްވުމަށް ދިއްގަރު ދާއިރާގެ މެންބަރު އަޙްމަދު ނާޡިމް ހުށަހެޅުއްވިއެވެ.