Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި ކުރިއަށް ގެންދެވީ ޔޫ.އެން.ޑީ.ޕީ އާއި ޔޫ.އެން.ރެސިޑެންޓް ކޯޑިނޭޓަރސް އޮފީސް ގުޅިގެން، ލާމަރުކަޒީ ނިޒާމާ ގުޅޭގޮތުން ތައްޔާރު ކުރަމުންދާ ކަރުދާހަކާ ގުޅިގެން ޔޫ.އެން.ޑީ.ޕީގެ ކޮންސަލްޓަންޓް މރ. އިސްލާމް ޖުސުފި، ކޮމިޓީއާ ބައްދަލުކުރެއްވުމަށް އެދިވަޑައިގަންނަވާފައި ވާތީ އެފަރާތާ ބައްދަލުކުރެއްވުމެވެ. ޔޫ.އެން.ޑީ.ޕީގެ ފަރާތުން މި ބައްދަލުވުމުގައި ބައިވެރިވަޑައިގެންފައިވަނީ ތިރީގައިވާ ބޭފުޅުންނެވެ.

1- ޔޫ.އެން.ޑީ.ޕީގެ ކޮންސަލްޓަންޓް މރ. އިސްލާމް ޖުސުފި (އޮންލައިން).

2- އެސިސްޓަންޓް ރެސިޑެންޓް ރެޕްރެޒެންޓޭޓިވް، ޔާސްމީން ރަޝީދު.

3- ޕްރޮޖެކްޓް އެނެލިސްޓް، ޙަމްދާ ޢަބްދުއްރަޙްމާން.

މި ބައްދަލުވުމުގައި، ޔޫ.އެން.ޑީ.ޕީ ކޮންސަލްޓަންޓް މރ. އިސްލާމް ޖުސުފި، ލާމަރުކަޒީ ނިޒާމާ ގުޅޭގޮތުން ތައްޔާރު ކުރަމުންދާ ކަރުދާހާ ގުޅޭގޮތުން ކޮމިޓީ މެންބަރުންނަށް މަޢުލޫމާތު ދެއްވާފައިވެއެވެ. އަދި އެއަށްފަހު ކޮމިޓީން ނިންމަވާފައިވަނީ، މި ދިރާސާއަށް ކޮމިޓީގެ ފަރާތުން ކޮންސަލްޓަންޓް ބޭނުންވާ މަޢުލޫމާތު ހޯއްދެވުމަށް ކޮންސަލްޓަންޓުގެ ސުވާލުތައް ކޮމިޓީ މެންބަރުންނާ ލިޔުމުން ޙިއްސާކުރެއްވުމުން، އެ ސުވާލުތަކާމެދު މެންބަރުންގެ މެދުގައި މަޝްވަރާކުރެއްވުމަށްފަހު، އެ ސުވާލުތަކުގެ ޖަވާބުތައް އެ ފަރާތާ ޙިއްސާކުރުމަށްޓަކައި އިތުރު ބައްދަލުވުމެއް ބޭއްވުމަށެވެ.