މި ބައްދަލުވުމުގައި ކޮމިޓީއަށް ޢާއްމު ފަރާތަކުން ފޮނުއްވާފައިވާ ސިޓީއަކާ ގުޅޭގޮތުން ކޮމިޓީގެ މެންބަރުންގެ މެދުގައި މަޝްވަރާކުރެއްވިއެވެ. އެގޮތުން، އެ ސިޓީ ލިޔުން ފަރާތާއި، އެ ސިޓީގައި ބަޔާންކޮށްފައިވާ މައްސަލައިގައި ހިމެނޭ ފަރާތްތައް ވެސް ސާފުނުވުމާއެކު، އެ ސިޓީގައި ފުރިހަމަވާންޖެހޭ ކަންކަން ފުރިހަމަނުވާކަމަށް ކޮމިޓީގެ މެންބަރުން ފާހަގަކުރެއްވިއެވެ. އަދި އެ ސިޓީގައި ބަޔާންކޮށްފައިވާ މައްސަލައަކީ މޯލްޑިވްސް ޕޮލިސް ސަރވިސްއަށް ހުށަހަޅައިގެން ކުރިއަށް ގެންދަންޖެހޭ މައްސަލައެއްކަން ވެސް ކޮމިޓީގެ މެންބަރުން ފާހަގަކުރެއްވިއެވެ. އަދި، ސިޓީގައި ފުރިހަމަވާންޖެހޭ ކަންކަން ފުރިހަމަވެފައި ނެތުމުން، އެ މައްސަލަ ނުބެލޭނެ ކަމަށް ކޮމީޓީގެ މެންބަރުންގެ އިއްތިފާޤުން ފާސްކޮށްފައިވެއެވެ.
© 2024 ރައްޔިތުންގެ މަޖިލިސްގެ އިދާރާA