މި ބައްދަލުވުމުގައި، ޕްރޮސިކިއުޓަރ ޖެނެރަލް ޢާއިޝަތު ބިޝާމް މަޤާމުން ވަކިކުރެއްވުމުގެ މަސައްކަތް ކޮމިޓީން ކުރިއަށް ގެންދެވިއެވެ. އެހެންނަމަވެސް، އެކަމަނާ މަޤާމުން އިސްތިއުފާދެއްވާފައިވާތީ، އެ މައްސަލަ އިތުރަށް ކުރިއަށް ގެންދެވުމުގެ ޖާގައެއް ނެތްކަމަށް ކޮމިޓީން ނިންމެވިއެވެ. އެއަށްފަހު، ސުޕްރީމް ކޯޓުގެ ފަނޑިޔާރު އުސްތާޛު ޢަބްދުލްޣަނީ މުޙައްމަދު ފަނޑިޔާރުކަމުގެ މަޤާމުން ވަކިކުރުމާއި ގުޅޭގޮތުން ޖުޑީޝަލް ސަރވިސް ކޮމިޝަން އިން ނިންމަވާފައިވާ މައްސަލަ ދިރާސާކުރުމުގެ މަސައްތަކެވެ. މިގޮތުން ކޮމިޓީގެ މެންބަރުންގެ އިއްތިފާޤުން ފާސްކުރައްވާފައިވަނީ، އިސްވެދެންނެވި މައްސަލަ ޖުޑީޝަލް ސަރވިސް ކޮމިޝަނުން ބައްލަވައި ނިންމަވާފައިވަނީ ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއާއި، ޤާނޫނު ނަންބަރު 10/2008(ޖުޑީޝަލް ސަރވިސް ކޮމިޝަންގެ ޤާނޫނު) އާއި، އެ ޤާނުނުގެ ދަށުން ހެދިފައިވާ ގަވާއިދާއި އަދި އެފަދަ މައްސަލަތައް ބެއްލެވުމަށް ޖުޑީޝަލް ސަރވިސް ކޮމިޝަނުން ކަނޑައަޅުއްވާފައިވާ އިޖުރާޢާތުތަކާ އެއްގޮތްވާ ގޮތުގެމަތިން ކަމަށެވެ. އަދި، ކޮމިޓީއަށް ހުށަހެޅި ސުންގަޑި ހަމަވެފައިވާ މައްސަލަތަކުގެ ސުންގަޑި 2 ޑިސެމްބަރު 2019 އަށް އިތުރުކުރުމަށް ކޮމިޓީއަށް ވަޑައިގެންތިއްބެވި މެންބަރުންގެ އިއްތިފާޤުން ނިންމެވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA