މި ބައްދަލުވުމުގައި ޖުޑީޝަލް ސަރވިސް ކޮމިޝަނަށް ރައްޔިތުން މަޖިލީހުން ކަނޑައަޅާ މީހަކު ހޮއްވެވުމަށްޓަކައި މަޖިލީހުން ކުރި އިއުލާނާ ގުޅިގެން، ޖުމްލަ 3 މެންބަރުން ކުރިމަތިލައްވާފައިވާތީ، އަލުން އިއުލާންކުރުމަށް ނިންމަވާ މަޖިލީހުގެ ރައީސަށް ސިޓީ ފޮނުއްވުމަށް ވަނީ ނިންމަވާފައެވެ. މީގެ އިތުރުން، ރ.އިންނަމާދޫ މެޖިސްޓްރޭޓް ކޯޓުގެ އިސް މެޖިސްޓްރޭޓާ ގުޅޭގޮތުން ހުށަހަޅާފައިވާ މައްސަލަ ތަޙުޤީޤުކުރުމަށް ޖޭ.އެސް.ސީން ފޮނުއްވާފައިވާ ރިޕޯޓް ދިރާސާކުރުމުގެ މަސައްކަތް ވެސް ކުރިއަށް ގެންދެވިއެވެ. އެގޮތުން، އެ މައްސަލައާ ގުޅޭގޮތުން ކޮމިޓީއިން ސާފުކުރެއްވުމަށް ބޭނުންފުޅުވި ކަންކަމާ ގުޅޭގޮތުން ޖުޑީޝަލް ސަރވިސް ކޮމިޝަނުން ފޮނުއްވާފައިވާ ސިޓީގައިވާ މަޢުލޫމާތާމެދު ކޮމިޓީގެ މެންބަރުންގެ މެދުގައި މަޝްވަރާކުރެއްވިއެވެ. އެއަށްފަހު، އަމިއްލަ ފަރާތްތަކުން ފޮނުއްވާފައިވާ ސިޓީތަކަށް ޖަވާބުދެއްވުމުގެ މަސައްކަތްވެސް ކޮމިޓީއިން ކުރައްވާފައިވެއެވެ.
© 2024 ރައްޔިތުންގެ މަޖިލިސްގެ އިދާރާA