މިއަދުގެ ބައްދަލުވުމުގައި ފުރަތަމަ ކުރިއަށް ގެންދެވީ ސުންގަނޑި ހަމަވެފައިވާ ބިލު ތަކުގެ ސުންގަނޑި އިތުރުކުރުމުގެ މަސައްކަތެވެ. އެ ގޮތުން ތުލުސްދޫ ދާއިރާގެ މެންބަރު އިބްރާހީމް ނަސީމް ހުށަހަޅުއްވައި ހޮޅުދޫ ދާއިރާގެ މެންބަރު ޔޫނުސް ޢަލީ ތާއީދުކުރައްވާފައިވަނީ ތިރީގައިވާ 2 ބިލު ނިންމާނެ ސުންގަނޑިއަކީ 1 ސެޕްޓެމްބަރު 2021 ކަމުގައެވެ. ކޮމިޓީގެ މެންބަރުންގެ އައުލަބިއްޔަތުން މިގޮތައް ފާސްކުރެއްވިއެވެ. 1. ގޯތިގެދޮރު ކުއްޔަށް ދިނުމާބެހޭ ބިލު އަދި 2. އެއްމެދު ޢިމާރާތުގެ ބިލު. ދެން މިއަދުގެ ބައްދަލުވުމުގައި ކުރިއަށް ގެންދެވީ ދިވެހިރާއްޖޭގެ ތަފާސްހިސާބުގެ ބިލު ދިރާސާކުރެއްވުމެވެ. އެ ގޮތުން ބިލުގެ 4 ވަނަ މާއްދާ އަދި 5 ވަނަ މާއްދާ އިސްލާހް ކުރެއްވިއެވެ.