މިއަދުގެ ބައްދަލުވުމުގައި ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) އަށް 8 ވަނަ އިޞްލާޙް ގެނައުމުގެ ޤާނޫނުގައި ކައުންސިލްގެ އެންމެ އިސް އިދާރީ މަޤާމަކީ ސެކްރެޓަރީ ޖެނެރަލްގެ މަޤާމުކަމަށް ކަނޑައެޅުއްވުމާ ގުޅިގެން، އެ މަޤާމަށް ނޭޝަނަލް ޕޭ ކޮމިޝަނުން ހަމަޖެއްސި މުސާރައާއި ޢިނާޔަތްތަކަކީ ކައުންސިލްގެ އިންތިހާބީ މަޤާމުތަކުގެ މުސާރައާއި ޢިނާޔަތްތަކާ ގުޅުންހުރި މުސާރައާއި ޢިނާޔަތްތަކެއް ކަމުގައިވާތީ، އެ މަޤާމުތަކަށް ހަމަޖެއްސުމަށް ފެންނަ މުސާރައާއި ޢިނާޔަތްތަކުގެ ތަފްޞީލް ހިމަނުއްވައި ކޮމިޝަނުން ފޮނުއްވާފައިވާ މައްސަލައާމެދު މަޝްވަރާ ކުރެއްވިއެވެ. އަދި ނޭޝަނަލް ޕޭ ކޮމިޝަނުން ހުށަހެޅުއްވި މުސާރައާއި ޢިނާޔަތްތައް ކައުންސިލަރުންނަށް ހަމަޖެއްސުމަށް ތިމަރަފުށި ދާއިރާގެ މެންބަރު ޢަބްދުﷲ ރިޔާޟް ހުށަހަޅުއްވައި، މަރަދޫ ދާއިރާގެ މެންބަރު އިބްރާހީމް ޝަރީފް ތާޢީދުކުރައްވައި ކޮމިޓީން ފާސްވެފައިވެއެވެ.
© 2024 ރައްޔިތުންގެ މަޖިލިސްގެ އިދާރާA