މިބައްދަލުވުމުގައި، ޓެކްސީ ވިޔަފާރިއަށާއި ދިވެހި ޓެކްސީ ޑްރައިވަރުންނަށް ދިމާވަމުންދާ ދަތިތައް ދެނެގަނެ، އެކަންކަން ޙައްލުކުރެވިދާނެ ގޮތްތަކާމެދު މަޝްވަރާކުރުމަށް މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންގެ ބޭފުޅުންނާއި ބައްދަލުކުރަށްވައި މައުލޫމާތު ސާފުކުރެއްވިއެވެ. މި ބައްދަލުވުމުގައި ފާހަގަކުރެވުނު މުހިންމު ނުކުތާތައް: - ގުޅިފަޅު ތަރައްޤީކޮށް މާލެއާއި ގުޅާލުން ފަދަ ބޮޑެތި ޕްރޮޖެކްޓްތަށް ނިމުމުން އެއަރޕޯޓަށް ކުރާ ޓެކްސީ ދަތުރުތަކުގެ އަގުތަކަށް ބަދަލުތަކެއް އަންނާނެކަމަށް. - މީޓަރަށް ބަލައި ޓެކްސީ ދަތުރުތަކަށް އަގު ހަމަޖެއްސުމަކީ މިހާރަށް އެންމެ އެކަށީގެންވާ ކަމެއް ކަމަށް ނުފެންކަމަށްވާތީ، އަގުތަކެއް ކަނޑައެޅިފައިވަނީ ރައީސުލްޖުމްހޫރިއްޔާގެ އޮފީހާއި އެހެންހިނެ މުއައްސަސާތަކާއި މަޝްވަރާކުރެވިގެންކަމަށް. - މާލޭގައި ޕަބްލިކް ޓްރާންސްޕޯޓްގެ ޙިދުމަތް ފެށުމަށް ބޭނުންވާ ގިނަ މަސައްކަތްތަކެއް މިހާރުވެސް ކުރެވެމުންދާކަމަށް. އެގޮތުން، ޔޫން އަދި އިންޑިއަން އެއިޑް މެދުވެރިކޮށް ތިމާވެއްޓާ ރައްޓެހި މިނީ ބަސް ހޯދުމުގެ މަސައްކަތް ކުރަމުންދާކަމަށް. - ޓެކްސީތަކުގެ ފަހަތު ސީޓުގެ ބިއްލޫރި ބަދަލުކުރަން ނިންމާފައިވަނީ ޢާންމުންގެ ސަލާމަތާއި ރައްކާތެރިކަމަށް ވިސްނާފައިކަމަށް. - މިނިސްޓްރީން ޖަވާބު ނުދީ ސިޓީއެއް ނުވާނެކަމަށާއި، ޓެކްސީ ސެންޓަރުތަކުގައި ފޯކަލް ޕޮއިންޓްތަކެއް ކަނޑައަޅައި، އެ ފަރާތްތައް މެދުވެރިކޮށް ސިޓީތަކުގެ ޖަވާބު ނުލިބިވާކަމަށް ވިދާޅުވާ ސިޓީތަކުގެ ކަންކަން ބަލަމުންދާކަމަށް. - އެއްގަމާ، ކަނޑާއި ވައިގެ ޓްރާންސްޕޯޓާއި ގުޅޭ ގިނަ ގަވާއިދުތަކެއް ހެދި ބައެއް ގަވާއިދުތައް ގެޒެޓްކުރުމަށް ފޮނުވި، ބައެއް ގަވާއިދުތައް އެޓާރނީ ޖެނެރަލް އޮފީހުގެ ލަފާއަށް ފޮނުވިފައިވާއިރު ބައެއް ގަވާއިދުތައް ޑްރާފްޓް ކުރެވި އަދި ޑްރާފްޓްކުރުމުގެ މަރުހަލާގައި ވެސް ގަވާއިދުތައް ވާކަމަށް. - ސިވިލް އޭވިއޭޝަން މިންގަޑުތަކަށް ބަލައި އެއަރޕޯޓްތައް ތަރައްޤީކުރުމުގެ ހުއްދަ ދެމުންދާކަމަށާއި، ޕެސެންޖަރ ރައިޓްސް ބިލެއް އައުމުން އޭވިއޭޝަން ދާއިރާގެ ގިނަ މައްސަލަތަކެއް ހައްލުވެގެންދާނެކަމަށް. - ޓެކްސީ ޑްރައިވަރުންނަށް ދިމާވާ ދަތިތައް ޙައްލުކުރުމުގެ ގޮތުން މިނިސްޓްރީގެ ފަރާތުން ސިޔާސީ އެޕޮއިންޓީ އެއް އައްޔަންކުރެވި ޓެކްސީ ސެންޓަރުތަކުގެ ކަންކަން ގާތުން ބަލަމުންދާކަމަށް. - ސެންޓްރަލް އެއް ސިސްޓަމް މެދުވެރިކޮށް މީހުން ދިރިއުޅޭ ކޮންމެ ރަށެއްގައިވެސް ލައިސަންސް ނެގުމުގެ ހިދުމަތްދެމުންދާކަމަށާއި، އަތޮޅުތަކުން ނަގާ ލައިސަންސްތައް އިތުރު ޓެސްޓަކާއި ނުލައި ރާއްޖޭގެ ހުރިހާ ހިސާބެއްގައި ބޭނުންކުރެވޭނެކަމަށް.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA