މިއަދުގެ ބައްދަލުވުމުގައި ޢާއްމުންގެ ފަރާތުން ކޮމިޓީއަށް ލިބިފައިވާ ސިޓީއަކާ ގުޅިގެން ކޮމިޓީގެ މެންބަރުންގެ މެދުގައި މަޝްވަރާކުރެއްވިއެވެ. އަދި އެއަށްފަހު، ސިޓީގައި ފާހަގަކުރައްވާފައިވާ މައްސަލަތަކާ ގުޅިގެން ޕްރޮސިކިއުޓަރ ޖެނެރަލްއާ ބައްދަލުކުރެއްވުމަށް ކޮމިޓީން ނިންމެވިއެވެ. މީގެ އިތުރުން، ޖުޑީޝަލް ސަރވިސް ކޮމިޝަނުން ތަޙްޤީޤުކުރެއްވުމަށްފަހު ރައްޔިތުންގެ މަޖިލީހަށް ފޮނުއްވާފައިވާ ތިރީގައިވާ ރިޕޯޓުތައް ކޮމިޓީން ދިރާސާކުރައްވައި، އެ ރިޕޯޓުތައް ފައިލްކުރެއްވުމަށް ކޮމިޓީން ނިންމެވިއެވެ. 1. ޖުޑީޝަލް ސަރވިސް ކޮމިޝަނުގެ ނަންބަރު 2019/107 މައްސަލަ ދިރާސާކޮށް ނިންމިގޮތުގެ ރިޕޯޓު؛ 2. ޖުޑީޝަލް ސަރވިސް ކޮމިޝަނުގެ ނަންބަރު 2016/26 މައްސަލަ ދިރާސާކޮށް ނިންމިގޮތުގެ ރިޕޯޓު؛ 3. ޖުޑީޝަލް ސަރވިސް ކޮމިޝަނުގެ ނަންބަރު 2013/50 މައްސަލަ ދިރާސާކޮށް ނިންމިގޮތުގެ ރިޕޯޓު؛ އަދި 4. ޖުޑީޝަލް ސަރވިސް ކޮމިޝަނުގެ ނަންބަރު 2019/13 މައްސަލަ ދިރާސާކޮށް ނިންމިގޮތުގެ ރިޕޯޓު.