މިއަދުގެ ބައްދަލުވުމުގައި އެޖެންޑާކުރެވިފައިވަނީ ކޮމިޓީއަށް ހުށަހެޅިފައިވާ ޕެޓިޝަންތައް ދިރާސާކުރުމެވެ. އެގޮތުން ކޮމިޓީއަށް ހުށަހެޅިފައިވާ "ޗޭންޖް އެން.ޑީ.އޭ 2020 ޕެޓިޝަން" ދިރާސާކުރުމުގެ މަސައްކަތް ކޮމިޓީން ކުރިއަށް ގެންދެވިއެވެ. މި ޕެޓިޝަންގެ މަސައްކަތް މިހާރު ގޮސްފައިވާ ހިސާބާއިމެދު މަޝްވަރާކުރެއްވުމަށްފަހު މި ޕެޓިޝަނާ ގުޅިގެން ކޮމިޓީން ކ.ގުޅިފަޅު ގައި ޤާއިމްކޮސްފައިވާ ޑްރަގް އޮފެންޑަރ ރިމާންޑް ސެންޓަރަށާއި މާލޭގައި ހުންނަ އެން.ޑީ.އޭގެ މައި އޮފީހަށް ޒިޔާރަތްކުރުމަށް ނިންމެވިއެވެ. އަދި އެއަށްފަހު ކަމާގުޅޭ އިދާރާތަކާއި ބައްދަލުކުރުމަށް ކޮމިޓީން ނިންމެވިއެވެ.