މިއަދުގެ ބައްދަލުވުމުގައި ކުރިއަށް ގެންދެވީ ކޮމިޓީގެ ނައިބު މުޤައްރިރު އިސްތިއުފާ ދިނުމާގުޅިގެން އެ މަޤާމަށް މެންބަރަކު ހޮއްވެވުމުގެ މަސައްކަތެވެ. އެ ގޮތުން އެ މަޤާމަށް މެންބަރަކު ހޮއްވެވުމަށް ނަން ހުށަހެޅުމުގެ ފުރުސަތު ހުޅުވާލުމުން މީދޫ ދާއިރާގެ މެންބަރު އަޙްމަދު ސިޔާމް ހުށަހަޅުއްވާ ވިލިނގިލި ދާއިރާގެ މެންބަރު ސަޢުދު ޙުސައިން ތާއީދުކުރެއްވީ ކޮމިޓީގެ ނައިބު މުޤައްރިރެއްގެ ގޮތުގައި ހުންނެވުމަށް ހެންވޭރު ދެކުނު ދާއިރާގެ މެމްބަރު ޙުސައިން ޝަހީމްގެ ނަންފުޅެވެ. މި ނަންފުޅަށް ވޯޓަށް އައްސަވައި ކޮމިޓީގެ އިއްތިފާޤުން ހެންވޭރު ދެކުނު ދާއިރާގެ މެމްބަރު ޙުސައިން ޝަހީމް ކޮމިޓީގެ ނައިބު މުޤައްރިރެއްގެ ގޮތުގައި ހޮވުނެވެ. އެއަށްފަހު، ރައްޔިތުންގެ މަޖިލީހުގެ ރައީސްގެ ކޮޓަރިއާއި، ނައިބު ރައީސްގެ ކޮޓަރިއާއި މަޖިލީހުގެ ކޮމިޓީކުރާ ކޮޓަރިތަކުގައި ސިއްރުން އަޑު ރެކޯޑުކުރެވޭފަދަ އާލާތެއް ހަރުކޮށްދިނުމަށް ފުލުހަކު މަޖިލީހުގެ އިދާރާގެ ސްޓާފެއް ގާތު އެދުނު މައްސަލައާގުޅޭ ރިޕޯޓު ދިރާސާކުރެއްވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA