މިއަދުގެ ބައްދަލުވުމުގައި އައިލެންޑް އޭވިއޭޝަންގެ ޕައެލެޓުން އިޙުތިޖާޖްކޮށްފައިވާ މައްސަލައާ ގުޅޭގޮތުން މަޝްވަރާކުރެއްވުމަށްފަހު، ސަރުކާރު ޙިއްޞާވާ ކުންފުނިތަކުން ޢަމަލުކުރުމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން އެކުލަވާފައިވާ ހިއުމަން ރިސޯސް ޕޮލިސީއަށް ކުންފުނިތަކުން ޢަމަލުކުރަމުންދާ މިންވަރާ ގުޅޭގޮތުން އެ ބޯޑުން ފާހަގަކޮށްފައިވާ ކަންތައްތައް ހިމަނައިގެން ރިޕޯޓް އެކުލަވާލުމާ ގުޅޭގޮތުން މަޝްވަރާކުރެވުނެވެ. އެއަށްފަހު މޯލްޑިވް ގޭސް ޕްރައިވެޓް ލިމިޓެޑުގެ އެކްޓިންގ މެނޭޖިންގ ޑިރެކްޓަރ ޢަލީ އިކްރާމް އެ ކުންފުނީގެ މުވައްޒަފަކަށް ޖިންސީ ފުރައްސާކޮށްވާތީ، އެ މައްސަލަ ބައްލަވައިދިނުމަށް އެދި ފޮނުއްވާފައިވާ ސިޓީ އަށް ޖަވާބު ދެއްވުމަށް ނިންމެވިއެވެ. މިގޮތުން ކުންފުނީގެ "ޖިންސީ ފުރައްސާރަކުރުމާއި ގޯނާކުރުން ހުއްޓުވުމުގެ ކޮމިޓީ" އަށް މައްސަލަ ހުށަހެޅުއްވި ފަރާތުން އެއްބާރުލުންދީފައިނުވާތީ، މައްސަލައިގައި ކަންހިނގާފައިވާ ގޮތުން ކޮމިޓީއިން މި މައްސަލަ ބެލެން ނެތް ވާހަކައާއި އަދި މިފަދަ މައްސަލަ ބެލުމުގެ އިޙްތިޞާޞް ލިބިފައިވާ އިދާރާއަކަށް ހުށަހަޅައިގެން މި މައްސަލަ ކުރިޔަށް ގެންދިއުމުގެ ޙައްޤު އެ ފަރާތަށް ލިބިގެންވާކަމަށް އެންގުމަށް ނިންމެވިއެވެ.
© 2024 ރައްޔިތުންގެ މަޖިލިސްގެ އިދާރާA