މިއަދުގެ ބައްދަލުވުމުގައި ކޮމިޓީއަށް ފޮނުއްވާފައިވާ ޤާނޫނު ނަންބަރު 2014/9 (ދިވެހިރާއްޖޭގެ ޤާނޫނުލްޢުޤޫބާތު) އަށް އިޞްލާޙު ގެނައުމުގެ ބިލާއި އަދި އަނބުރާ ފޮނުއްވާފައިވާ ބިލާއި ދެބިލުގެ މަސައްކަތް އެއްކޮށް ކުރިއަށް ގެންދިޔުމަށް ކޮމިޓީން ނިންމަވާފައިވާތީ، އެ ދެބިލާ ގުޅޭގޮތުން އިތުރަށް މައުލޫމާތު ސާފުކުރުމަށް މިނިސްޓްރީ އޮފް އިސްލާމިކް އެފެއާޒް، އެޓަރނީ ޖެނެރަލްގެ އޮފީސް އަދި ދިވެހިރާއްޖޭގެ އިސްލާމިކް ޔުނިވަރސިޓީގެ ވައިސް ޗާންސެލަރ ޑރ. އިބްރާހީމް ޒަކަރިއްޔާ މޫސާއަށް ދެންނެވުމަށް ކޮމިޓީން ނިންމިއެވެ. މީގެއިތުރުން، ތ.ތިމަރަފުށީގައި ޓެރަރިޒަމްގެ ޢަމަލެއް ހިންގަން އުޅުނުކަމުގެ ތުހުމަތުގައި 2020 ވަނަ އަހަރުގެ ނޮވެންބަރު މަހުގެ ތެރޭގައި ހައްޔަރުކޮށްފައިވާ 8 މީހެއްގެ މައްސަލައާ ގުޅޭގޮތުން ތ.ތިމަރަފުށީ ދާއިރާގެ މެންބަރު ޢަބްދުﷲ ރިޔާޟް ހުށަހަޅުއްވާފައިވާ މައްސަލައާ ގުޅޭގޮތުން އިތުރަށް މައުލޫމާތު ސާފުކުރުމަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންއަށް ސިޓީ ފޮނުއްވުމަށް ކޮމިޓީން ނިންމިއެވެ. އެއަށްފަހު، ޢާންމުން ފޮނުވާފައިވާ ސިޓީތައް ދިރާސާކުރެއްވިއެވެ.
© 2024 ރައްޔިތުންގެ މަޖިލިސްގެ އިދާރާA