މިއަދުގެ ބައްދަލުވުމުގައި ކުރިއަށް ގެންދެވީ ކޮމިޓީގައި ހުރި ޕެޓިޝަންތަކާ ގުޅޭގޮތުން މަޝްވަރާ ކުރުމެވެ. އެގޮތުން، ހިޔާ ފްލެޓްގެ ކުލި ކުޑަކުރުމަށާއި، އެތަނުގަހުރި އެހެނިހެން މައްސަލަތަކަށް ހައްލެއް ހޯދައިދިނުމަށް އެދި ހުށަހަޅުއްވާފައިވާ ޕެޓިޝަނާއި ގުޅޭގޮތުން އޮޑިޓަރ ޖެނެރަލްގެ އޮފީހުން ތައްޔާރުކުރައްވާފައިވާ އޮޑިޓް ރިޕޯޓް ލިބިފައިވާތީ އެ ރިޕޯޓް ދިރާސާކުރެއްވެވިއެވެ. އަދި ޕެޓިޝަނާ ގުޅޭގޮތުން ކޮމިޓީ ރިޕޯޓް އެކުލަވާލައި މަސައްކަތް އަވަހަށް ނިންމުމަށް ކޮމިޓީގެ މެންބަރުން އިއްތިފާޤުވެލެއްވެވިއެވެ. އެއަށްފަހު ކޮމިޓީގެ ބައްދަލުވުން ނިންމަވާލެއްވެވިއެވެ.