މިއަދުގެ ބައްދަލުވުމުގައި އެންމެ ފުރަތަމަ ކުރިއަށް ގެންދެވީ މަދްރަސަތުލް އިފްތިތާޙްގެ ހިންގުން ހަރުދަނާކޮށް، ދެވޭ ތަޢުލީމުގެ ފެންވަރު ރަނގަޅުކުރުމަށްޓަކައި ސްކޫލަށް ދިމާވެފައިވާ ދަތިތައް ވީހާވެސް އަވަހަށް ޙައްލުކޮށްދިނުމަށް އެދި ހުށަހަޅާ ޤަރާރުގެ ސުންގަޑި ކަނޑައެޅުމުގެ މަސައްކަތެވެ. އެގޮތުން، އެ ޤަރާރުގެ ސުންގަޑި އަކީ 30 އެޕްރީލް 2022 ކަމުގައި ކަނޑައެޅުމަށް މަނަދޫ ދާއިރާގެ މެންބަރު އަޙްމަދު ޙާރޫން ހުށަހަޅުއްވައި ދިއްގަރު ދާއިރާގެ މެންބަރު އިކްރާމް ޙަސަން ތާޢީދުކުރެއްވި ގޮތަށް ވޯޓުގައި ބައިވެރިވެވަޑައިގެންނެވި މެންބަރުންގެ އަޣުލަބިއްޔަތުން ފާސްކުރެއްވިއެވެ. އަދި ޤަރާރުގައި ހިމެނިފައިވާ ކަންތައްތަކާއި ގުޅޭގޮތުން މަޢުލޫމާތު ސާފުކުރުމަށް މިނިސްޓްރީ އޮފް އެޑިއުކޭޝަންއަށް ސިޓީއެއް ފޮނުވުމަށްވެސް މިއަދުގެ ކޮމިޓީގެ ބައްދަލުވުމުގައި ނިންމެވިއެވެ. އަދި، މިއަދުގެ ބައްދަލުވުމުގައި އިލެކްޓްރޯނިކް މުޢާމަލާތްތަކާބެހޭ ބިލުގެ 25 ވަނަ މާއްދާއިން ފެށިގެން 31 ވަނަ މާއްދާގެ ނިޔަލަށް ކޮމިޓީން ދިރާސާކުރެއްވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA