މިބައްދަލުވުމުގައި ފުރަތަމަ ކުރިއަށްގެންދެވީ ކޮމިޓީގެ މުޤައްރިރަކު ހޮއްވެވުމުގެ މަސައްކަތެވެ. އެގޮތުން، ކޮމިޓީގެ މުޤައްރިރެއްގެ ގޮތުގައި ހުންނެވުމަށް ހިތަދޫ މެދު ދާއިރާގެ މެންބަރު މުޙައްމަދު އަސްލަމް އިންތިޙާބުކުރެއްވުމަށް ފޭދޫ ދާއިރާގެ މެންބަރު މުޙައްމަދު ނިހާދު ހުށަހަޅުއްވާ، ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ތާއީދުކުރައްވާފައިވެއެވެ. ކޮމިޓީއަށް ވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްވެފައިވެއެވެ.

އެއަށްފަހު، ކޮމިޓީގެ މަސައްކަތްތައް ކުރިއަށް ގެންދަވާނެ ގޮތަކާމެދު މެންބަރުންގެ މެދުގައި މަޝްވަރާކުރެއްވިއެވެ. އެގޮތުން މެދުހެންވޭރު ދާއިރާގެ މެންބަރު ޢަލީ ޢާޡިމް ހުށަހަޅުއްވާ ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ތާއީދުކުރެއްވީ، ކޮމިޓީއަށް ހުށަހެޅިފައިވާ މައްސަލަ 5 މެންބަރުންގެ ސަބް ކޮމިޓީއަކަށް ފޮނުވައިގެން ދިރާސާކުރެއްވުމަށްފަހު މައި ކޮމިޓިއަށް ފޮނުއްވުމަށެވެ. އަދި ސަބް ކޮމިޓީގައި ހިމެވަޑައިގަންނަވާ މެންބަރުންކަމަށް ކޮމިޓީގެ އިއްތިފާޤުން ނިންމަވާފައިވާ މެންބަރުންނަކީ؛

1.     ހުޅުމާލެ ދާއިރާގެ މެންބަރު ޢަލީ ނިޔާޒް

2.     ފޮނަދޫ ދާއިރާގެ މެންބަރު މޫސާ ސިރާޖު

3.     މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ

4.     މަޑުއްވަރީ ދާއިރާގެ މެންބަރު އާދަމް ޝަރީފް

5.     ހެންވޭރު ހުޅަނގު ދާއިރާގެ މެންބަރު ޙަސަން ލަޠީފް