މިބައްދަލުވުމުގައި 2021 ވަނަ އަހަރު ގދ.ހުޅުވާރުލުކިޔާ ފަޅުރަށަކުން ހޯދާފައިވާ 149ކިލޯގެ މަސްތުވާތަކެތީގެ މައްސަލައިގައި ތުހުމަތުކުރެވުނު ފަރާތްތަކުގެ މައްސަލައިގައި ކަން ހިނގާފައިވާ ގޮތާ ގުޅޭގޮތުން ބޭއްވުނު ސަލާމަތީ ޚިދުމަތްތަކާބެހޭ ކޮމިޓީއާއި ޖުޑީޝިއަރީ ކޮމިޓީގެ ޖޮއިންޓް ކޮމިޓީގެ ސަބް ކޮމިޓީން ދިރާސާކޮށް ނިންމެވިގޮތުގެ ރިޕޯޓްއަށް ގޮތެއް ނިންމަވައިދެއްވުން އެދި މައި ކޮމިޓީއަށް ހުށަހެޅުނެވެ. އަދި މި ރިޕޯޓްއާމެދު މެންބަރުންގެ މެދުގައި މަޝްވަރާކުރުމަށްފަހު، ކޮމިޓީގެ އިތުރު ހުށަހެޅުންތަކާއެކު ރިޕޯޓް ފާސްކޮށް މަޖިލީހުގެ ތަޅުމުން ގޮތެއް ނިންމަވައިދެއްވުމަށް ފޮނުވުމަށް ހެންވޭރު ހުޅަނގު ދާއިރާގެ މެންބަރު ޙަސަން ލަތީފް ހުށަހަޅުއްވާ ހެންވޭރު ދެކުނު ދާއިރާގެ މެމްބަރު ޙުސައިން ޝަހީމް ތާއީދުކުރެއްވިއެވެ. މި ހުށަހެޅުމަށް ވޯޓަށް އެއްސެވުމުން ކޮމިޓީއަށް އެވަގުތު ވަޑައިގެން ތިއްބެވި 10 މެންބަރުންގެ އަޣްލަބިއްޔަތުން ފާސްވިއެވެ.
© 2024 ރައްޔިތުންގެ މަޖިލިސްގެ އިދާރާA