މިއަދުގެ ބައްދަލުވުމުގައި ކުރިއަށް ގެންދެވީ ސަބް ކޮމިޓީ C އަށް ޙަވާލުކުރައްވާފައިވާ އޮޑިޓް ރިޕޯޓްތަކުގެ ތެރެއިން، ކޮމިޓީގެ މަސައްކަތް ނިމިފައިނުވާ އޮޑިޓް ރިޕޯޓްތަކުގެ މަސައްކަތެވެ. މިގޮތުން އެއްވެސް މައްސަލައެއް ފާހަގަކޮށްފައިނުވާ ކުންފުނިތަކުގެ އޮޑިޓް ރިޕޯޓްތަކުގައި، ސަބް ކޮމިޓީން މައި ކޮމިޓީގެ ސަމާލުކަމަށް ގެންނަންޖެހޭ އެއްވެސް ކަމެއް ނެތްކަމަށް ރިޕޯޓްގައި ފާހަގަކުރެއްވުމަށް ނިންމެވިއެވެ. އަދި އޮޑިޓަރ ޖެނެރަލް މައްސަލަ ފާހަގަކުރައްވާފައިވާ އޮޑިޓް ރިޕޯޓްތަކުގައި ހުރި މައްސަލަތައް ފާހަގަކުރެއްވުމަށްފަހު، އެއް ރިޕޯޓެއްގެ ގޮތުގައި މައި ކޮމިޓީއަށް ފޮނުއްވުމަށް ނިންމަވައި ސަބް ކޮމިޓީގެ ބައްދަލުވުން ނިންމަވާލެއްވިއެވެ.