މިއަދުގެ ބައްދަލުވުމުގައި ކޮމިޓީއަށް ދިރާސާކުރުމަށް ފޮނުވާފައިވާ ތިރީގައިވާ ބިލުތަކުގެ މަސައްކަތް ނިންމަވާނެ ސުންގަޑިއެއްކަމަށް އޮގަސްޓް މަހުގެ ނިޔަލަށް ކޮމިޓީން ނިންމިއެވެ. 1. ޤާނޫނު ނަންބަރު 2008/10 (ޖުޑީޝަލް ސަރވިސް ކޮމިޝަނުގެ ޤާނޫނު) އަށް އިޞްލާޙު ގެނައުމުގެ ބިލު؛ 2. ޤާނޫނު ނަންބަރު 2010/22 (ދިވެހިރާއްޖޭގެ ކޯޓުތަކުގެ ޤާނޫނު) އަށް އިޞްލާޙު ގެނައުމުގެ ބިލު؛ 3. ޤާނޫނު ނަންބަރު 2010/13 (ދިވެހިރާއްޖޭގެ ފަނޑިޔާރުންގެ ޤާނޫނު) އަށް އިޞްލާޙު ގެނައުމުގެ ބިލު؛ 4. ޤާނޫނު ނަންބަރު 2016/12 (ޖިނާއީ އިޖުރާއަތުގެ ޤާނޫނު) އަށް އިޞްލާޙު ގެނައުމުގެ ބިލު. އެއަށްފަހު، ކޮމިޓީން ދިރާސާކޮށް ނިންމަވާ، މަޖިލީހުގެ ތަޅުމަށް ފޮނުއްވާފައިވާ ހެއްކާބެހޭ ބިލާ ގުޅޭގޮތުން އެޓަރނީ ޖެނެރަލްގެ އޮފީހުން ފޮނުއްވާފައިވާ ކޮމެންޓްތަކާ ގުޅޭގޮތުން މަޝްވަރާކުރައްވިއެވެ.