ޚުލާސާ

މޯލްޑިވްސް ޔޫތު ފޯސްގެ ނަމުގައި ހަދާފައިވާ ޓްވިޓަރ އެކައުންޓްއަކުން ޢާންމުކޮށްފައިވާ ވީޑިއޯއެއްގައި، ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމުގެ ހަށިކޮޅައް ގެއްލުންދޭނެކަމަށް އިންޒާރުދީފައިވާ މައްސަލައާ ގުޅޭ ގޮތުން މަޝްވަރާކުރެވުނެވެ. ދިވެހި ފުލުހުންގެ ޚިދުމަތުން ހިންގި އޮޕަރޭޝަންއެއްގައި އަތުލައިގަނެވުނު 42 ކިލޯގެ މަސްތުވާތަކެތީގެ މައްސަލައާގުޅޭ ގޮތުން ދިވެހި ފުލުހުންގެ ޚިދުމަތަށާއި ޕްރޮސިކިއުޓަރ ޖެނެރަލްގެ އޮފީހަށް ސިޓީ ފޮނުވައި މަޢުލޫމާތު ސާފުކުރުމަށް ނިންމެވިއެވެ. އެއަށްފަހު، އިންޑިޔާ އައުޓްގެ ނަމުގައި ހިންގާ ހަރަކާތާ ގުޅިގެން ހުށަހެޅިފައިވާ މައްސަލައިގެ ރިޕޯޓު ދިރާސާކުރެއްވުމުގެ މަސައްކަތް ކުރެއްވިއެވެ.

ބައްދަލުވުމުގައި ކުރެވުނު މަސައްކަތްތައް

6 ޖޫން 2022 - ދިވެހި ފުލުހުންގެ ޚިދުމަތުން ހިންގި އޮޕަރޭޝަންއެއްގައި އަތުލައިގަނެވުނު 42 ކިލޯގެ މަސްތުވާތަކެތީގެ މައްސަލަ

8 މޭ 2022 - ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމުގެ ހަށިކޮޅައް ގެއްލުންދޭނެކަމަށް އިންޒާރުދީފައިވާ މައްސަލަ

22 ޑިސެމްބަރު 2021 - އިންޑިއާ އައުޓް ގެ ނަމުގައި ހިންގާ ޙަރަކާތަކާ ގުޅިގެން މަޖިލީހުގެ ރައީސް ހުށަހަޅުއްވާފައިވާ މައްސަލަ