މިއަދުގެ ބައްދަލުވުމުގައި އެންމެ ފުރަތަމަ މި މައްސަލައާ ގުޅިގެން ކޮމިޓީން އެކުލަވާލާފައިވާ ރިޕޯޓުގެ ނިންމުން ކައުންސިލް ޖެނަރަލްގެ ލަފާޔާ އެއްގޮތަށް އިސްލާޙުކުރެވިފައިވެއެވެ. އެއަށްފަހު، ތުޅާދޫ ދާއިރާގެ މެންބަރު ޙިސާން ޙުސައިން ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ ޤާނޫނަށް ގެންނަން ބޭނުންވާ އިސްލާޙުތައް ހުށަހެޅުއްވިއެވެ. އިސްލާޙުތަކާމެދު ކޮމިޓީގައި މަޝްވަރާކުރެއްވުމަށްފަހު، އިސްލާޙުތަކަށް ވޯޓަށް އެއްސެވުމުން ކޮމިޓީއަށް އެވަގުތު ހާޒިރުވެ ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.