މިއަދުގެ ބައްދަލުވުމުގައި ފުރަތަމަ ކުރިއަށްގެންދަވާފައިވަނީ އަމިއްލަ ފަރާތްތަކުން ކޮމިޓީއަށް ފޮނުއްވާފައިވާ މައްސަލަތައް ދިރާސާކުރުމުގެ މަސައްކަތެވެ. އެއަށްފަހު، ޢުމުރުން 55 އަހަރާއި 65 އަހަރާއި ދެމެދު ވަޒީފާ ދޫކޮށްލަންޖެހޭ މުވައްޒަފުންނަށާއި، ވަޒީފާއިން ވަކިކުރެވޭ މުވައްޒަފުންނަށް އެއްވެސް މާލީ ޢިނާޔަތެއް ލިބޭނެ ގޮތެއް ނެތުމުން އިހަވަންދޫ ދާއިރާގެ މެންބަރު މުޙައްމަދު ޝިފާޢު ހުށަހަޅުއްވާފައިވާ މައްސަލައާ ގުޅޭގޮތުން ވަޒީފާ ދޭ ފަރާތްތަކާއި ވަޒީފާ އަދާކުރާ ފަރާތްތަކާ ބައްދަލުކޮށް މަޢުލޫމާތު ސާފުކުރެއްވުމަށް ކޮމިޓީން ނިންމެވިއެވެ. މީގެ އިތުރުން، ޖަމްޢިއްޔާތަކުގެ ބިލުގެ މަސައްކަތް ނިންމާނެ ސުންގަޑިއަކީ 23 މާރިޗު 2020 ކަމުގައި ހަމަޖައްސުމަށް ވެސް ކޮމިޓީން ނިންމެވިއެވެ.