މި ބައްދަލުވުމުގައި ކޮމިޓީން ނިންމެވީ، މި މައްސަލައާ ގުޅޭ ގޮތުން މޯލްޑިވްސް ޕޮލިސް ސަރވިސްއިން އަޅުއްވާފައިވާ ފިޔަވަޅުތަކުގެ ތަފްޞީލާއި، ފިޔަވަޅު އެޅުއްވި ފުލުހުންގެ މަޢުލޫމާތާއި، އެޙާދިޘާ ހިނގިއިރު އެ ފުލުހުންގެ މަޤާމާއި އަދި މިހާރު އެ ފުލުހުން ތިއްބެވި މަޤާމް ސާފުކުރެއްވުމަށާއި، އެ ފުލުހުންނާމެދު ފިޔަވަޅު އެޅުއްވުމުން، އެކަމާ ދެކޮޅަށް ފޭސްބްކް ޕްރޮފައިލް ކަޅު ކުލައަށް ބަދަލުކޮށްގެން އިޙްތިޖާޖްކުރި ފުލުހުންނާމެދު އަޅުއްވާފައިވާ ފިޔަވަޅުތަކުގެ ތަފްޞީލާއި، ފިޔަވަޅު އެޅުއްވި ފުލުހުންގެ މަޢުލޫމާތާއި، އެކަން ހިނގިއިރު އެ ފުލުހުންގެ މަޤާމާއި އަދި މިހާރު އެ ފުލުހުން ތިއްބެވި މަޤާމް ސާފުކުރެއްވުމަށް މޯލްޑިވްސް ޕޮލިސް ސަރވިސްއަށް ސިޓީއެއް ފޮނުވުމަށެވެ. އަދި މީގެ އިތުރުން މި މައްސަލައާ ގުޅޭ ގޮތުން ނޭޝަނަލް އިންޓެގްރިޓީ ކޮމިޝަންއިން މި މައްސަލަ ނިންމަވާފައިވާ ގޮތުގެ ރިޕޯޓު ހޯދުމަށްވެސް ކޮމިޓީން ނިންމެވިއެވެ.