ކޮމިޓީގެ ނަން

މާލިއްޔަތު ކޮމިޓީ

ތާރީޚް

17 މާރިޗު 2020 11:00

ނަންބަރު

19

މާލިއްޔަތު ކޮމިޓީގެ 2020 ވަނަ އަހަރުގެ 19 ވަނަ ބައްދަލުވުން

ޚުލާސާ

މޯލްޑިވްސް އިންލެންޑް ރެވެނިއު އޮތޯރިޓީ ނޭޝަނަލް ޕޭ ކޮމިޝަނާ ބައްދަލުކުރައްވައި، އެ ކޮމިޝަނުގެ ރައީސް ދެއްވި ލަފައާ އެއްގޮތަށް ކުރިއަށްގެންދެވުމަށް ނިންމަވައި ތިރީގައި ދަންނަވާފައިވާ ރިކޮމެންޑޭޝަންތައް ހިމަނައިގެން ރިޕޯޓް މަޖިލީހުގެ ތަޅުމަށް ފޮނުއްވުމަށް ނިންމެވިއެވެ. • ޤާނޫނު ނަންބަރު 2010/3 ( ޓެކްސްނެގުމާ ބެހޭ އިދާރީ ޤާނޫނު) އަށް 2 ވަނަ އިޞްލާޙު ގެނައުމުގެ ޤާނޫނު (ޤާނޫނު ނަންބަރު 2019/13) އަށް ޢަމަލުކުރަން ފެށުމާ ގުޅިގެން އަލަށް އެކުލަވައިލެވުނު މީރާގެ ބޯޑުގައި، ކޮމިޝަނަރ ޖެނެރަލް އޮފް ޓެކްސޭޝަން ހިމެނިވަޑައިގަންނަވަނީ އެޤާނޫނުގެ 4 ވަނަ މާއްދާގެ (ހ-ޅ) ގައި ބަޔާންކޮށްފައިވާ ގޮތަށް ވޯޓު ނުދެވޭ މެންބަރެއްގެ ގޮތުގައި، މަޤާމުގެ ހައިޞިއްޔަތުގެ ގޮތުން ކަމަށްވާތީ، އައު ކޮމިޝަނަރ ޖެނެރަލަށް ޑިރެކްޓަރުންގެ ބޯޑުގެ މެންބަރުންގެ މުސާރަ ދިނުމަށް ނުފެންނަކަމަށް؛ • ދައުލަތުގެ މާލިއްޔަތުގެ ކަންކަން ބެލެހެއްޓުމުގެ މަސްއޫލިއްޔަތު ޙަވާލުކޮށްފައިވާ ވުޒާރާގައި ޓެކުހާބެހޭ ސިޔާސާތުތަކާ ގުޅޭ ކަންކަން ބެލެހެއްޓުމަށް މިނިސްޓަރު ކަނޑައަޅުއްވާ ފަރާތެއް ގޮތުން ބޯޑުގެ ޗެއަރޕަރސަންގެ ގޮތުގައި ޢައްޔަންކުރުމާއެކު، މިހާރުގެ ޗެއަރޕަރސަންއަށް ޑިރެކްޓަރުންގެ ބޯޑުގެ ޗެއަރޕާރސަންގ މުސާރަ ދިނުމަށް ފެންނަކަމަށް؛ • ދައުލަތުގެ މަލިއްޔަތުގެ ކަންކަން ބެލެހެއްޓުމުގެ މަސްއޫލިއްޔަތު ބެލެހެއްޓުމުގެ މަސްއޫލިއްޔަތު ޙަވާލުކޮށްފައިވާ ވުޒާރާގައި ޓެކުހާބެހޭ ސިޔާސަތުތަކާގުޅޭ ކަންކަން ބެލެހެއްޓުމަށް މިނިސްޓަރ ކަނޑައަޅުއްވާ ފަރާތެއްގެ ގޮތުން ބޯޑުގެ ޗެއަރޕަރސަންގެ ގޮތުގައި ޢައްޔަންކުރުމާއެކު، އެތާރީޚުން ފެށިގެން ކުރީގެ ކޮމިޝަނަރ ޖެނެރަލަށް ޑިރެކްޓަރުންގެ ބޯޑުގެ މެންބަރުންގެ މުސާރަ ދިނުމަށް ނުފެންނަކަމަށް.

  • ބޭނުންވެލައްވާ މަޖިލިސް ޚިޔާރުކުރައްވާ

© 2024 ރައްޔިތުންގެ މަޖިލިސްގެ އިދާރާA