ޤާނޫނު ނަންބަރު 2016/12 (ޖިނާޢީ އިޖުރާއަތުގެ ޤާނޫނު) އަށް އިޞްލާޙު ގެނައުމުގެ ބިލު ކޮމިޓީއަށް ލިބިފައިވާތީ، އެ ބިލުގެ ސުންގަޑިއެއްގެ ގޮތުގައި 23 މޭ 2020 ކަމުގައި ކޮމިޓީން ނިންމިއެވެ. އަދި މި ބިލާ ގުޅޭ ގޮތުން ޚިޔާލު ހޯދުމަށް މޯލްޑިވްސް ޕޮލިސް ސަރވިސް، ޕްރޮސެކިއުޓަރ ޖެނރަލްގެ އޮފީސް، ޑިޕާޓްމަންޓް ޖުޑީޝަލް އެޑްމިނިސްޓްރޭޝަނަށް، ދިވެހިރާއްޖޭގެ ބާ ކައުންސިލް އަދި ހޯމް މިނިސްޓްރީއަށް ސިޓީ ފޮނުއްވުމަށް ނިންމެވިއެވެ. އަދި މީގެ އިތުރުން މަޢުލޫމާތު ހޯދުމަށް ބައްދަލުކުރެއްވުމަށް ކޮމިޓީން ނިންމަވާފައިވަނީ ޕްރޮސިކިއުޓަރ ޖެނެރަލްގެ އޮފީސް އަދި ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންއެވެ. އަދި މި ދެ މުއައްސަސާއާ 21 މޭ 2020 ވާ ބުރާސްފަތި ދުވަހު ބައްދަލުކުރެއްވުމަށް ކޮމިޓީން ވަނީ ނިންމަވާފައެވެ.