މިބައްދަލުވުމުގައި ފުރަތަމަ ކުރިއަށް ގެންދެވީ ބިލާގުޅޭގޮތުން ބޭއްވުމަށް ނިންމަވާފައިވާ ޕަބްލިކް ފޯރަމް ބާއްވާނެ ދުވަހަކާ ގުލޭގޮތުން މަޝްވަރާކުރެއްވުމެވެ. އެ ގޮތުން 2021 ވަނަ އަހަރުގެ ފެބްރުއަރީ މަހުގެ ފުރަތަމަ ހަފްތާގެ ތެރޭގައި ޕަބްލިކް ފޯރަމް ބޭއްވުމަށް ކޮމިޓީން ފާސްކުރެއްވިއެވެ. އެއަށްފަހު ބިލް ދިރާސާކުރުމުގެ މަސައްކަތް ކުރިއަށްގެންދިއުމަށް 7 މެންބަރުންގެ ސަބް ކޮމިޓިއެއް ހޮއްވެވިއެވެ. މި ސަބް ކޮމިޓީގައި ހިމެނިވަޑައިގަންނަވާ މެންބަރުންނަކީ: 1.ހުޅުހެންވޭރު ދާއިރާގެ މެންބަރު ޢަލީ ނިޔާޒް؛ 2.އުނގޫފާރު ދާއިރާގެ މެންބަރު މުޙައްމަދު ވަޙީދު؛ 3.ތުލުސްދޫ ދާއިރާގެ މެންބަރު އިބްރާހީމް ނަސީމް؛ 4.ބާރަށު ދާއިރާގެ މެންބަރު އަޙްމަދު ޢަބްދުﷲ؛ 5.މަޑަވެލި ދާއިރާގެ މެންބަރު ޙުސައިން ފިރުޝާން؛ 6.ހޯރަފުށި ދާއިރާގެ މެންބަރު އަޙްމަދު ސަލީމް؛ އަދި 7.ތުޅާދޫ ދާއިރާގެ މެންބަރު ޙިސާން ޙުސައިން އެވެ. އެއަށްފަހު ބިލުގެ ސުންގަޑި 26 ނޮވެމްބަރ 2020 އަށް ހަމަވާތީ ބިލުގެ ސުންޑިއަކީ 28 ފެބްރުއަރީ 2021 ކަމުގައި ކޮމިޓީއިން ނިންމަވާ މިއަދުގެ ބައްދަލުވުން ނިންމަވާލެއްވިއެވެ.